యంగ్‌టైగ‌ర్ ఎన్టీఆర్ కొత్త చిత్రం జైల‌వ‌కుశ మంచి క‌లెక్ష‌న్ల‌తో దూసుకుపోతోంది. రెండు రోజుల్లో రూ.60 కోట్ల గ్రాస్‌ని సొంతం చేసుకున్న ఈ సినిమా.. ఓవ‌ర్‌సీస్‌లో ఇప్ప‌టికే మిలియ‌న్ డాల‌ర్ల క్ల‌బ్‌లోకి చేరింది. ఈ చిత్రంలోని జై పాత్ర‌లో తార‌క్ న‌ట విశ్వ‌రూపం చూపించాడు.

ఇదిలా ఉంటే.. జై ల‌వ‌కుశతో ఎన్టీఆర్‌కి ఉన్న ఓ సెంటిమెంట్ బ‌ల‌ప‌డిన‌ట్ల‌య్యింది. ఇంత‌కీ ఆ సెంటిమెంట్ ఏమిటంటే.. సెప్టెంబ‌ర్‌లో ఆయ‌న చిత్రాలు విడుద‌లైతే విజ‌యం సాధిస్తాయి. తార‌క్ కెరీర్‌లో మొద‌టి హిట్ చిత్రం అయిన స్టూడెంట్ నెం.1 సెప్టెంబ‌ర్‌లోనే ప్రేక్ష‌కుల ముందుకు వ‌చ్చింది.

అలాగే తార‌క్ కెరీర్‌లో బ్లాక్‌బ‌స్ట‌ర్ హిట్స్‌లో ఒక‌టైన జ‌న‌తా గ్యారేజ్ కూడా గ‌తేడాది సెప్టెంబ‌ర్‌లోనే ప్రేక్ష‌కుల ముందుకొచ్చింది. ఇప్పుడు జైల‌వ‌కుశ కూడా సేమ్ సెప్టెంబ‌ర్‌లో రిలీజై కాసుల వ‌ర్షం కురిపిస్తోంది. మొత్తానికి సెప్టెంబ‌ర్ ఎన్టీఆర్‌కి బాగా క‌లిసొచ్చిన‌ట్టే లెక్క‌.