ఒకే హీరోతో వ‌రుస‌గా సినిమాలు చేసే సంద‌ర్భం హీరోయిన్స్‌కి కానీ, టెక్నీషియ‌న్స్‌కి గానీ అరుదుగా వ‌స్తుంటుంది. ఎన్టీఆర్ విష‌యంలోనూ ఇలాంటి సంద‌ర్భం ఉంది. సంగీత ద‌ర్శ‌కుల విష‌యంలో వ‌రుస‌గా మూడు అవ‌కాశాల‌ను ఇచ్చిన వైనం ఉంది తార‌క్‌కి. బాద్‌షా, రామ‌య్యా వ‌స్తావ‌య్యా, ర‌భ‌స.. ఇలా త‌న కెరీర్‌లోనే మొద‌టిసారిగా మూడు వ‌రుస చిత్రాల కోసం త‌మ‌న్ కి అవ‌కాశ‌మిచ్చాడు.

వీటిలో బాద్‌షా విజ‌యం సాధించ‌గా.. మిగిలిన రెండు చిత్రాలు ప‌రాజ‌యం పాల‌య్యాయి. ఆ త‌రువాత వ‌చ్చిన టెంప‌ర్‌కి అనూప్ సంగీత‌మందించగా.. నాన్న‌కు ప్రేమ‌తో, జ‌న‌తా గ్యారేజ్, జైలవ కుశ చిత్రాల‌కు దేవిశ్రీ ప్ర‌సాద్ మ్యూజిక్ అందించాడు. వ‌రుస‌గా మూడు అవ‌కాశాలిచ్చినా త‌మ‌న్ స‌రిగా వినియోగించుకోలేక‌పోయాడు. దేవిశ్రీ మాత్రం ఇప్ప‌టికే రెండు చిత్రాల‌కు హిట్ మ్యూజిక్ ఇవ్వ‌గా.. మూడో చిత్రం విడుద‌ల‌కు సిద్ధ‌మ‌వుతోంది.