ఎన్టీఆర్ తో సమంత అంటే..అంతేనా?
- IndiaGlitz, [Friday,May 13 2016]
ఎన్టీఆర్‌తో ఎక్కువ చిత్రాలు చేసిన క‌థానాయిక ఎవ‌రు? అంటే దీనికి స‌మాధానం ఠ‌క్కున వ‌స్తుంది సమంత అని. ఇప్ప‌టికే ఈ ఇద్ద‌రి కాంబినేష‌న్‌లో మూడు సినిమాలు వ‌చ్చాయి. ఇక నాలుగోది నిర్మాణంలో ఉంది 'జ‌న‌తా గ్యారేజ్' పేరుతో. అలా అని ఈ ఇద్ద‌రిది సూపర్ కాంబినేష‌న్ ఏమీ కాదు. మొద‌టి సినిమా 'బృందావనం' మిన‌హాయిస్తే.. ఆ త‌రువాత వ‌చ్చిన రెండు చిత్రాలూ (రామ‌య్యా వ‌స్తావ‌యా, ర‌భ‌స) బోల్తా ప‌డ్డ‌వే.
అయిన‌ప్ప‌టికీ స‌మంత‌కున్న క్రేజ్ ఈ ఆఫ‌ర్ పొంద‌డానికి కార‌ణ‌మ‌న్న‌ది విశ్లేష‌కుల అభిప్రాయం. ఈ సంగతి ఇలా ఉంటే.. తార‌క్‌తో సమంత చేసిన, చేస్తున్న చిత్రాల‌ను గ‌మ‌నిస్తే ఓ విష‌యం స్ప‌ష్టంగా అర్థ‌మ‌వుతుంది. అదేమిటంటే.. అన్ని సినిమాల్లోనూ స‌మంత‌తో పాటు మ‌రో హీరోయిన్ ఉండ‌డం. అదేమిటో.. ఎన్టీఆర్‌తో సమంత సినిమా అంటే సోలో హీరోయిన్ వేష‌మైతే కాద‌న్నది ప్ర‌తి సినిమా నిరూపిస్తోంది. భ‌విష్య‌త్‌లో అయినా తార‌క్ ప‌క్క‌న స‌మంత‌కి అలాంటి సోలో హీరోయిన్ వేషం ద‌క్కుతుందో లేదో చూడాలి.