'య‌న్‌.టి.ఆర్' విడుదల తేదికి ఓ సెంటిమెంట్‌
- IndiaGlitz, [Monday,June 18 2018]
మ‌హాన‌టుడు, దివంగ‌త నేత నంద‌మూరి తార‌క రామారావు జీవితం ఆధారంగా 'య‌న్‌.టి. ఆర్' పేరుతో ఓ బ‌యోపిక్ తెర‌కెక్కుతున్న సంగ‌తి తెలిసిందే. ఎన్టీఆర్ త‌న‌యుడు, సీనియ‌ర్ అగ్ర క‌థానాయ‌కుడు బాల‌కృష్ణ టైటిల్ రోల్‌లో న‌టిస్తున్న ఈ చిత్రానికి క్రిష్ ద‌ర్శ‌క‌త్వం వ‌హిస్తున్నారు. జూలై 5 నుంచి రెగ్యుల‌ర్ షూటింగ్ జ‌రుపుకోనున్న ఈ సినిమాని సంక్రాంతి కానుక‌గా విడుదల చేయ‌బోతున్న‌ట్లు ఇప్ప‌టికే చిత్ర బృందం ప్ర‌క‌టించింది.
తాజా స‌మాచారం ప్ర‌కారం.. ఈ సినిమా విడుదల తేదిని జ‌న‌వ‌రి 9గా ప్ర‌క‌టించారు. విశేష‌మ‌మేమిటంటే.. ఎన్టీఆర్ తొలి సారి ముఖ్య‌మంత్రిగా ప్ర‌మాణ స్వీకారం చేసింది కూడా అదే రోజున కావ‌డం గ‌మ‌నార్హం. స‌హ‌జంగానే.. సంక్రాంతి సీజ‌న్ బాల‌య్య‌కు క‌లిసొస్తుంది. అందునా.. ఇంత ఇంపార్టెన్స్ ఉన్న రోజు అంటే మ‌రో బ్లాక్‌బ‌స్ట‌ర్ ఖాయం చేసుకోవ‌చ్చు. ఈ చిత్రానికి కీర‌వాణి సంగీత‌మందిస్తున్నారు.