యంగ్ టైగ‌ర్ య‌న్టీఆర్‌, మెగాప‌వ‌ర్ స్టార్ రామ్ చ‌ర‌ణ్ కాంబినేష‌న్‌లో వ‌స్తున్న మాసివ్ మ‌ల్టీస్టార‌ర్ `ఆర్ ఆర్ ఆర్‌`. ద‌ర్శ‌క‌ధీరుడు ఎస్‌.ఎస్‌. రాజ‌మౌళి తెర‌కెక్కిస్తున్న ఈ భారీ బ‌డ్జెట్ మూవీ... హిస్టారిక‌ల్ ఫిక్ష‌న్‌గా రూపొందుతోంది. అల్లూరి సీతారామరాజు, కొమ‌రం భీమ్ స్నేహం నేప‌థ్యంలో సాగే ఈ సినిమాలో కొమ‌రంగా తార‌క్‌, అల్లూరిగా చ‌ర‌ణ్ న‌టిస్తున్నారు. ఇదిలా ఉంటే.. త‌న సినిమాల్లో క‌థానాయ‌కుల ప‌రిచ‌య స‌న్నివేశాన్ని ఓ స్థాయిలో ఆవిష్క‌రించే జ‌క్క‌న్న‌... ఈ మల్టీస్టార‌ర్ మూవీలో త‌న ఇద్ద‌రు హీరోల‌ను కూడా ఇంట్ర‌డ‌క్ష‌న్ సీన్స్‌లో చాలా వీరోచితంగా చూపించ‌బోతున్నాడ‌ట‌.

కొమ‌రం భీమ్ పాత్ర పోషిస్తున్న య‌న్టీఆర్ ఇంట్ర‌డ‌క్ష‌న్ సీన్ విష‌యానికి వ‌స్తే.. పులి ఫైట్‌తో స్క్రీన్ పై మెస్మ‌రైజింగ్ ఎంట్రీ ఉంటుంద‌ని తెలిసింది. ఇక అల్లూరి సీతారామరాజు పాత్ర పోషిస్తున్న రామ్ చ‌ర‌ణ్... వంద‌మందితో పోరాడి గెలిచిన వీరుడిలా ఎంట్రీ ఇవ్వ‌బోతున్నాడ‌ని సమాచారం. అంతేకాదు.. ఫ్యాన్స్ కు ఐ ఫీస్ట్‌లా ఉండే ఈ ఇంట్ర‌డ‌క్ష‌న్ సీన్స్ కోసం భారీ బ‌డ్జెట్‌నే కేటాయించార‌ని వినికిడి.

కాగా, డీవీవీ దాన‌య్య నిర్మాణంలో తెర‌కెక్కుతున్న `ఆర్ ఆర్ ఆర్‌`లో చ‌ర‌ణ్‌కి జోడీగా ఆలియా భ‌ట్ న‌టిస్తుండ‌గా.. కీల‌క పాత్ర‌ల్లో అజ‌య్ దేవ‌గ‌ణ్‌, స‌ముద్ర‌ఖ‌ని ద‌ర్శ‌న‌మివ్వ‌నున్నారు. కీర‌వాణి సంగీత‌మందిస్తున్న ఈ క్రేజీ ప్రాజెక్ట్‌... 2020 జూలై 30న వ‌ర‌ల్డ్‌వైడ్‌గా రిలీజ్ కానుంది.