రాజకీయ నాయకుడిగా ఎన్టీఆర్...
- IndiaGlitz, [Monday,July 24 2017]
యంగ్ టైగ‌ర్ ఎన్టీఆర్ హీరోగా కె.ఎస్‌.రవీంద్ర(బాబి) ద‌ర్శ‌క‌త్వంలో రూపొందుతోన్న చిత్రం 'జై ల‌వ‌కుశ'. ఈ సినిమాలో ఎన్టీఆర్ త్రిపాత్రాభిన‌యం చేస్తున్నాడు. అందులో నెగ‌టివ్ షేడ్స్ ఉన్న జై పాత్ర‌తో పాటు ల‌వ, కుశ పాత్ర‌ల్లో కూడా ఎన్టీఆర్ క‌న‌ప‌డ‌నున్నాడు. అందులో భాగంగా పూణేలో జై పాత్ర‌కు సంబంధించిన స‌న్నివేశాల‌ను చిత్రీక‌రిస్తున్నార‌ట. పూణేలో ఈ చిత్రీక‌ర‌ణ జ‌రుగుతుంది. ఇంత‌కు పూణేలో ఎందుకు చిత్రీక‌రిస్తున్నారంటే పూణేలోనే ఎన్టీఆర్ బిగ్ బాస్ షో జ‌రుగుతుంది కాబ‌ట్టి.
ఇక జై క్యారెక్ట‌ర్ ఓ రాజకీయ నాయ‌కుడి పాత్ర. నెగ‌టివ్ షేడ్స్ ఉంటాయి. స‌రే..ఇంత‌కు ఎన్టీఆర్ ఏ రాజకీయ పార్టీకి చెందిన‌వాడు. అంటే స‌మస‌మాజ్ పార్టీ. త‌న పార్టీ త‌ర‌పున జై ఎన్నిక‌ల్లో ప్ర‌జ‌ల‌ను ఓట్లు అడుగుతున్న‌ట్లు స‌న్నివేశాల‌ను చిత్రీక‌రిస్తున్నారు మ‌రి. 'జై ల‌వ‌కుశ' సెప్టెంబ‌ర్ 21న విడుద‌ల కానుంది. నివేదా థామ‌స్‌, రాశిఖ‌న్నా హీరోయిన్స్‌గా న‌టిస్తున్నారు. నంద‌మూరి క‌ల్యాణ్ రామ్ సినిమాను నిర్మిస్తున్నాడు.