మ‌హాన‌టి సావిత్రి జీవితం ఆధారంగా మ‌హాన‌టి సినిమా తెర‌కెక్కుతున్న సంగ‌తి తెలిసిందే. ఎవ‌డే సుబ్ర‌మ‌ణ్యం ఫేమ్ నాగ్ అశ్విన్ ద‌ర్శ‌క‌త్వంలో రూపొందుతున్న ఈ చిత్రంలో సావిత్రి పాత్ర‌లో కేర‌ళ కుట్టి కీర్తి సురేష్ న‌టిస్తోంది. ఎస్వీఆర్‌గా మోహ‌న్‌బాబు, ఆలూరి చ‌క్ర‌పాణిగా ప్ర‌కాష్ రాజ్‌, జెమినీ గ‌ణేశ‌న్ గా దుల్క‌ర్ స‌ల్మాన్‌, జ‌మున‌గా షాలినీ పాండే, జ‌ర్న‌లిస్ట్‌గా స‌మంత న‌టిస్తున్న సంగ‌తి తెలిసిందే.

ఇదిలా ఉంటే.. మ‌హాన‌టుడు ఎన్టీఆర్ పాత్ర‌లో ఆయ‌న మ‌న‌వ‌డు యంగ్ టైగ‌ర్ ఎన్టీఆర్ న‌టించ‌బోతున్న‌ట్లు వార్త‌లు వినిపించాయి. దీని గురించి ఎన్టీఆర్ వ‌ద్ద ప్ర‌స్తావిస్తే.. ఆ వార్త‌ల్లో నిజం లేదు. న‌న్ను ఇంత‌వ‌ర‌కు ఎవ‌రూ సంప్ర‌దించ‌లేదు. అయినా ఆ పాత్ర‌ని నేనే చేయాల‌న్న నియ‌మ‌మేదీ లేదు క‌దా. ఎవ‌రైనా చేయొచ్చు. అయితే తాత‌లా న‌టించ‌డం ఎవ‌రికైనా క‌ష్ట‌మే అంటూ చెప్పుకొచ్చారు. ఇదిలా ఉంటే.. ఎన్టీఆర్ త్రిపాత్రాభిన‌యం చేసిన జై ల‌వ‌కుశ ఇవాళే ప్రేక్ష‌కుల ముందుకొచ్చింది.