ఎన్టీఆర్ నెక్ట్స్ మూవీకి ముహుర్తం ఖరారు
- IndiaGlitz, [Monday,December 07 2015]
యంగ్ టైగర్ నటించిన తాజా చిత్రం నాన్నకు ప్రేమతో...సంక్రాంతి కానుక‌గా రిలీజ్ కానుంది. ఈ చిత్రం త‌ర్వాత ఎన్టీఆర్, కొర‌టాల శివ ద‌ర్శ‌క‌త్వంలో న‌టించ‌నున్నాడు. ఎన్టీఆర్, కొర‌టాల కాంబినేష‌న్లో రూపొందే చిత్రాన్ని మైత్రీ మూవీ మేక‌ర్స్ సంస్ధ నిర్మిస్తుంది. అక్టోబ‌ర్ లో ఈ చిత్రం ప్రారంభించారు. ఈ చిత్రంలో మ‌ల‌యాళ సూపర్ స్టార్ మోహ‌న్ లాల్ ఓ ముఖ్య‌పాత్ర పోషిస్తున్నారు. ఈ చిత్రానికి యువ సంగీత సంచ‌ల‌నం దేవిశ్రీప్ర‌సాద్ సంగీతాన్ని అందిస్తున్నారు. ఎన్టీఆర్, కొర‌టాల శివ కాంబినేష‌న్లో రూపొందే ఈ క్రేజీ మూవీకి జ‌న‌తా గ్యారేజ్ అనే టైటిల్ ప‌రిశీలిస్తున్న విష‌యం తెలిసిందే. రెగ్యుల‌ర్ షూటింగ్ ని జ‌న‌వ‌రి 8నుంచి ప్రారంభించ‌నున్నారు. ఎన్టీఆర్ సరసన ఇద్ద‌రు హీరోయిన్స్ న‌టిస్తున్నారు. ఇందులో ఒక హీరోయిన్ గా శ్రుతి హాస‌న్ ని ఫైనల్ చేసారు. మ‌రో హీరోయిన్ ని త్వ‌ర‌లోనే ఫైనల్ చేయ‌నున్నారు.