’Nannaku Prematho’ Movie Gallery

యంగ్ టైగ‌ర్ ఎన్టీఆర్ హీరోగా సుకుమార్ తెర‌కెక్కిస్తున్న చిత్రం నాన్న‌కు ప్రేమ‌తో.. ఈ భారీ చిత్రాన్ని బి.వి.ఎస్.ఎన్.ప్ర‌సాద్ నిర్మిస్తున్నారు. ఈనెల 10 నుంచి స్పెయిన్ లో తాజా షెడ్యూల్ ప్రారంభించాల‌నుకున్నారు.

కానీ..ప్రారంభించ‌లేదు.కార‌ణం ఏమిటంటే.. సుకుమార్ నిర్మాత‌గా చేస్తున్న తొలి ప్ర‌య‌త్నం కుమారి 21 ఎఫ్. ఈ చిత్రంలో రాజ్ త‌రుణ్‌, హీబా ప‌టేల్ జంట‌గా న‌టించారు. సుకుమార్ శిష్యుడు సూర్య‌ప్ర‌తాప్ ఈ చిత్రానికి ద‌ర్శ‌క‌త్వం వ‌హించారు. ఈ చిత్రం ఆడియోను ఈనెల 24న రిలీజ్ చేయ‌డానికి ప్లాన్ చేస్తున్నారు. అందుచేత నాన్న‌కు ప్రేమ‌తో..స్పెయిన్ షెడ్యూల్ ను వాయిదా వేసార‌ట‌. తాజా స‌మాచారం ప్ర‌కారం నాన్న‌కు ప్రేమ‌తో...స్పెయిన్ షెడ్యూల్ ను ఈ నెల 20 నుంచి ప్రారంభించ‌నున్నార‌ట‌. ఈ చిత్రాన్ని సంక్రాంతి కానుక‌గా జ‌న‌వ‌రి 8న రిలీజ్ చేయ‌నున్నారు.