యంగ్ టైగ‌ర్ ఎన్టీఆర్ - కొర‌టాల శివ కాంబినేష‌న్లో రూపొందుతున్న చిత్రం జ‌న‌తా గ్యారేజ్. ఈ చిత్రం ప్ర‌స్తుతం ముంబాయిలో షూటింగ్ జరుపుకుంటుంది. అయితే జ‌న‌తా గ్యారేజ్ షూటింగ్ లో ఎన్టీఆర్ కి యాక్సిడెంట్ అయ్యింది అంటూ ఓ వార్త బ‌య‌ట‌కు వ‌చ్చింది. ఈ వార్త ఎక్క‌డి నుంచో రాలేదు. జ‌న‌తా గ్యారేజ్ ట్విట్ట‌ర్ పేజీలో పోస్ట్ అయ్యింది.

అంతే...ఒక్కసారిగా అటు అభిమానుల్లో, ఇటు ఇండ‌స్ట్రీలో ఎన్టీఆర్ కి ఏమైంద‌ని ఆందోళ‌న మొద‌లైంది. అస‌లు ఏం జ‌రిగింద‌ని క‌నుక్కుంటే...ఏం జ‌ర‌గ‌లేద‌ట‌. ఈ విష‌యాన్నినిర్మాణ సంస్థ మైత్రీ మూవీస్ ట్విట్ట‌ర్ లో మైత్రీ అఫిషియ‌ల్ ఇదే మా అఫిషియ‌ల్ ఐడి. రూమ‌ర్స్ న‌మ్మ‌వ‌ద్దు..తారక్ బాగానే ఉన్నారు అని తెలియ‌చేసారు. ప్ర‌స్తుతం ఎన్టీఆర్, నిత్యామీన‌న్ ల‌పై కొన్ని స‌న్నివేశాల‌ను చిత్రీక‌రిస్తున్నారు. రెండు మూడు రోజుల్లో జ‌న‌తా గ్యారేజ్ టీమ్ ముంబాయి నుంచి హైద‌రాబాద్ రానున్నారు.