NTR 30: ఫిబ్రవరిలో సెట్స్పైకి ఎన్టీఆర్-కొరటాల మూవీ, ముహూర్తం ఫిక్స్.. కథ ఇదేనా..?
![](https://d1pyuwmru9u39x.cloudfront.net/images/player/play-spl.png)
![](https://d1pyuwmru9u39x.cloudfront.net/images/player/igplunmute.png)
Send us your feedback to audioarticles@vaarta.com
![](https://d1pyuwmru9u39x.cloudfront.net/images/player/igpl-like.png)
![](https://d1pyuwmru9u39x.cloudfront.net/images/player/igpl-dislike.png)
యంగ్ టైగర్ ఎన్టీఆర్ను అభిమానులు స్క్రీన్ మీద చూసుకుని దాదాపు మూడేళ్లు కావొస్తోంది. అప్పుడెప్పుడో త్రివిక్రమ్ దర్శకత్వంలో అరవింద సమేత తర్వాత మళ్లీ ఆయన వెండితెర మీద కనిపించలేదు. కారణంగా ఆర్ఆర్ఆర్ . రాజమౌళి దర్శకత్వంలో రామ్ చరణ్తో కలిసి ఆయన నటించిన ఈ సినిమా వాస్తవానికి 2021లోనే రావాల్సింది. కానీ అప్పట్లో దేశంలో కోవిడ్ ఉద్ధృతంగా వుండటం, తదితర కారణాలతో షూటింగ్ ఆలస్యమైంది. పరిస్ధితులు చక్కబడి 2022 సంక్రాంతి కానుకగా ఆర్ఆర్ఆర్ను రిలీజ్ చేసేందుకు మేకర్స్ అన్ని ఏర్పాటు చేశారు.
అలాగే చిత్ర యూనిట్ కూడా ముంబై, చెన్నై, బెంగళూరు, హైదరాబాద్లలో భారీ ప్రమోషన్ కార్యక్రమాలను నిర్వహించింది. తీరా విడుదలకు ముందు దేశంలో ఒమిక్రాన్ వేరియంట్ ఉవ్వెత్తున ఎగిసిపడటంతో సంక్రాంతి బరిలో నుంచి ఆర్ఆర్ఆర్ తప్పుకుంది. దీనిని మార్చి 18 లేదా ఏప్రిల్ 28న ప్రేక్షకుల ముందుకు తీసుకురానున్నారు. ఇక ఈ సంగతి పక్కనబెడితే.. కొరటాల శివ దర్శకత్వంలో ఎన్టీఆర్ ఓ సినిమాకు గ్రీన్ సిగ్నల్ ఇచ్చిన సంగతి తెలిసిందే.
ఆర్ఆర్ఆర్ షూటింగ్ ముగిసిన వెంటనే దీనిని పట్టాలెక్కించాల్సింది. కానీ ప్రస్తుత పరిస్థితుల నేపథ్యంలో అది వాయిదా పడుతూ వస్తోంది. ఈ నేపథ్యంలో NTR 30కి సంబంధించి ఓ అప్డేట్ వైరల్ అవుతోంది. ఫిబ్రవరి 7న అఫీషియల్ గా ఈ సినిమా పూజా కార్యక్రమాలను నిర్వహించనున్నారట. ఈ ఈవెంట్కి ఐకాన్ స్టార్ అల్లు అర్జున్ గెస్ట్గా వస్తారని ఫిలింనగర్ టాక్. ఈ సినిమాలో ఎన్టీఆర్ సరసన బాలీవుడ్ బ్యూటీ అలియా భట్ ఫిక్సయినట్లుగా కథనాలు వస్తున్నాయి. కానీ అఫీషియల్గా క్లారిటీ రాలేదు.
ఇక సంగీత దర్శకుడిగా అనిరుధ్ వ్యవహరిస్తారని తెలుస్తోంది. ఈ సినిమాను కొరటాల శివ స్నేహితుడు మిక్కిలినేని సుధాకర్తో కలిసి ఎన్టీఆర్ సోదరుడు నందమూరి కళ్యాణ్ రామ్ నిర్మించనున్నారు. ఈ మూవీలో ఎన్టీఆర్ ఒక విద్యార్ధి పాత్రలో కనిపించబోతున్నారని సమాచారం. బస్తీలో పేద విద్యార్థుల హక్కుల కోసం ప్రభుత్వంతో హీరో ఎటువంటి పోరాటం చేశాడు అనే ఇతివృత్తంతో NTR 30 తెరకెక్కుతుందని టాక్.
Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్సైట్ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.
![లైవ్ లో సత్య దేవ్ డైలోగ్స్ ఇరగ దీసాడు భయ్యా |Actor Satya Dev Live Dailgoues at Krishnamma PreRelease](https://i.ytimg.com/vi/9mOkRjB0x-s/hqdefault.jpg)
![Screen Writer Sai Madhav Burra Sensational Comments on Koratala Siva about Story Copied | Indiaglitz](https://i.ytimg.com/vi/q1uzmQsWFig/hqdefault.jpg)
Comments