ఎన్టీఆర్ సినిమాలో మరో హీరోయిన్..
- IndiaGlitz, [Thursday,March 31 2016]
యంగ్ టైగ‌ర్ ఎన్టీఆర్ హీరోగా కొర‌టాల శివ ద‌ర్శ‌క‌త్వంలో రూపొందుతున్న చిత్రం జ‌న‌తా గ్యారేజ్. ఈ చిత్రాన్ని మైత్రీ మూవీ మేక‌ర్స్ సంస్థ నిర్మిస్తుంది. ఈ చిత్రంలో ఎన్టీఆర్ స‌ర‌స‌న స‌మంత, నిత్యామీన‌న్ న‌టిస్తున్నారు. ఈ చిత్రంలో మరో హీరోయిన్ కూడా న‌టిస్తుంది. ఆమె విదీశ. అత్తిలి స‌త్తిబాబు, దేవ‌రాయ చిత్రాల్లో హీరోయిన్ గా విదీశ న‌టించింది.
అయితే హీరోయిన్ విదీశ ఎన్టీఆర్ కి వ‌దిన‌గా న‌టిస్తుంద‌ట. ఈ చిత్రంలో మ‌ల‌యాళ హీరో ఉన్ని ముకుంద‌న్ ఓ ముఖ్య‌పాత్ర పోషిస్తున్నాడు. ఉన్ని ముకుంద‌న్ కి జంట‌గా విదీశ న‌టిస్తుంది. ప్ర‌స్తుతం హైద‌రాబాద్ లో ఎన్టీఆర్, మోహ‌న్ లాల్, ఉన్ని ముకుంద‌న్, విదీశ ల‌పై కొన్ని సీన్స్ చిత్రీక‌రిస్తున్నారు. కెరీర్ ఇక అయిపోయింది అనుకుంటున్న త‌రుణంలో విదీశ కి జ‌న‌తా గ్యారేజ్ లో అవ‌కాశం రావ‌డం అంటే అదృష్ట‌మే. మ‌రి... ఈ సినిమాతోనైనా విదీశ ద‌శ తిరుగుతుందేమో చూడాలి.