నాన్న‌కు ప్రేమ‌తో...సినిమాతో స‌క్సెస్ సాధించిన ఎన్టీఆర్ నెక్ట్స్ మూవీ జ‌న‌తా గ్యారేజ్ లో న‌టించేందుకు రెడీ అవుతున్నాడు. ఈ చిత్రాన్ని కొర‌టాల శివ తెర‌కెక్కిస్తున్నారు. మైత్రీ మూవీ మేక‌ర్స్ సంస్థ ఈ చిత్రాన్ని నిర్మిస్తుంది. ఈ సినిమా కోసం సార‌థీ స్టూడియోలో ఓ గ్యారేజ్ సెట్ వేసారు. ఈ సెట్ లో ఈ నెలాఖ‌రు నుంచి షూటింగ్ ప్రారంభించ‌డానికి ప్లాన్ చేస్తున్నారు.

మ‌ల‌యాళ సూప‌ర్ స్టార్ మోహ‌న్ లాల్ ఈ చిత్రంలో ఓ ముఖ్య‌పాత్ర పోషిస్తున్నారు. ఆయ‌న పై కొన్ని కీల‌క‌ సన్నివేశాల‌ను మొద‌టి షెడ్యూల్ లో చిత్రీక‌రించ‌నున్నారు. ఇక సార‌థీ స్టూడియోలో షెడ్యూల్ పూర్త‌వ్వ‌గానే యూనిట్ ముంబాయికి షిఫ్టి అవుతుంది. అక్క‌డ ఓ ఇరవై రోజులు పాటు షూటింగ్ చేయ‌నున్నారు. ఎన్టీఆర్ స‌ర‌స‌న స‌మంత‌, నిత్యా మీన‌న్ న‌టిస్తున్న ఈ చిత్రానికి దేవిశ్రీప్ర‌సాద్ సంగీతాన్ని అందిస్తున్నారు.