యంగ్ టైగ‌ర్ ఎన్టీఆర్ హీరోగా రూపొందుతోన్న చిత్రం `జైల‌వ‌కుశ‌`. ఇందులో ఎన్టీఆర్ త్రిపాత్రాభిన‌యం చేస్తున్నాడు. అందులో జై అనే పాత్ర నెగ‌టివ్ ట‌చ్‌లో సాగుతుంది. ఈ రోల్‌కు సంబంధించిన టీజ‌ర్ అల్రెడి విడుద‌లైంది. టీజ‌ర్‌లో ఎన్టీఆర్ లుక్‌, ద ద ధైర్యం ఉందా అంటూ న‌త్తిగా ఎన్టీఆర్ చెప్పిన డైలాగ్ సోష‌ల్ మీడియాలో వైర‌ల్ అయ్యింది.

అలా ఇలా కాదు..టీజ‌ర్ సెన్సేష‌న్ క్రియేట్ చేస్తుంది. 24 గంటల్లోనే టీజ‌ర్ 7.8 మిలియ‌న్ వ్యూస్‌తో ద‌క్షిణాదిలో ఏ సినిమా సాధించిన‌న్ని రికార్డుల‌ను సాధించింది. త‌మ సినిమా ఇంత పెద్ద సెన్సేష‌న్ క్రియేట్ చేయ‌డంతో యంగ్ టైగ‌ర్ ఎన్టీఆర్, నిర్మాత నంద‌మూరి క‌ల్యాణ్‌రామ్ ఆనందంతో త‌బ్బుబ్బిపోతున్నారు. ట్విట్ట‌ర్ లో అభిమానుల‌కు థాంక్స్ చెప్పారీ అన్న‌ద‌మ్ములు.