త‌మిళ‌నాడు దివంగ‌త ముఖ్య‌మంత్రి జ‌య‌ల‌లిత బ‌యోపిక్ `త‌లైవి`. ఎ.ఎల్‌.విజ‌య్ ద‌ర్శ‌క‌త్వంలో విష్ణు ఇందూరి ఈ చిత్రాన్ని నిర్మిస్తున్నారు. ప్ర‌స్తుతం షూటింగ్ జ‌రుగుతుంది. బాలీవుడ్ స్టార్ హీరోయిన్ కంగ‌నా ర‌నౌత్ టైటిల్ పాత్ర‌లో న‌టిస్తుండ‌గా... ఎ.ఎల్‌.విజ‌య్ ఈ చిత్రాన్ని తెర‌కెక్కిస్తున్నాడు. రీసెంట్‌గా ఈ సినిమా షూటింగ్ చెన్నైలో స్టార్ట్ అయ్యింది. త‌మిళనాడు దివంగ‌త ముఖ్య‌మంత్రి జ‌య‌ల‌లిత బ‌యోపిక్ ఇది.

జ‌య‌ల‌లిత రాజ‌కీయాల్లోకి రాక మునుపు సినిమా రంగంలో అగ్ర హీరోయిన్‌గా వెలిగారు. అప్ప‌టి స్టార్ హీరోలంద‌రితోనూ క‌లిసి నటించారు. అలా ఆమె అప్ప‌ట్లో సీనియ‌ర్ ఎన్టీఆర్‌తోనూ న‌టించారు. ఇప్పుడు ఈ బ‌యోపిక్‌లో జ‌య‌లలిత సినిమాకు సంబంధించిన కొన్ని సీన్స్‌ను చిత్రీక‌రించ‌బోతున్నారు. అందులో సీనియ‌ర్‌ ఎన్టీఆర్ పాత్ర‌ను కూడా చూపించ‌బోతున్నార‌ట‌. ఆ పాత్ర‌లో ఎవ‌రు న‌టిస్తార‌నేది కీల‌కంగా మారింది. న‌ట‌సింహ నంద‌మూరి బాల‌కృష్ణ లేదా యంగ్ టైగ‌ర్ ఎన్టీఆర్‌లో ఒక‌రిని న‌టింప చేయాల‌ని ద‌ర్శ‌క నిర్మాత‌లు భావిస్తున్నారు. ప్ర‌ముఖంగా ఎన్టీఆర్ వైపుకే చిత్ర యూనిట్ మొగ్గు చూపుతున్నార‌ని టాక్‌. ప్ర‌స్తుతం ద‌ర్శ‌క నిర్మాత‌లు చ‌ర్చ‌లు జ‌రుపుతున్నార‌ని అంతా ఫైన‌ల్ అయితే అధికారిక ప్ర‌క‌ట‌న వెలువ‌డుతుంది.