యంగ్ టైగ‌ర్ ఎన్టీఆర్ జ‌న‌తా గ్యారేజ్ సినిమాతో బ్లాక్ బ‌ష్ట‌ర్ సాధించిన త‌ర్వాత స్టార్ డైరెక్ట‌ర్ తో సినిమా చేయాలి అనుకున్నారు. కానీ...ఎన్టీఆర్ చేయాలి అనుకుంటున్న స్టార్ డైరెక్ట‌ర్స్ ప్ర‌స్తుతం ఖాళీగా లేక‌పోవ‌డంతో ఏం చేయాలో తెలియ‌ని ప‌రిస్ధితి. అయితే...ప‌టాస్, సుప్రీమ్ చిత్రాల ద‌ర్శ‌కుడు అనిల్ ర‌విపూడి ఎన్టీఆర్ కు ఓ క‌థ చెప్పారు. ఈ క‌థ‌లో హీరో గుడ్డివాడుగా క‌నిపిస్తాడ‌ట‌. ఇదే క‌థ‌ను అనిల్ ర‌విపూడి రామ్ కి చెప్పాడు. రామ్ ఫ‌స్ట్ ఓకే అన్నాడు అని వార్త‌లు వ‌చ్చాయి మరి ఏమైందో ఏమో కానీ.... రామ్ ఈ ప్రాజెక్ట్ కి నో చెప్పాడు.

ఇదే క‌థ‌ను ఎన్టీఆర్ కి చెబితే ఎన్టీఆర్ కూడా నో చెప్పాడ‌ట‌. అయితే...అనిల్ ర‌విపూడిని మ‌రో క‌థ రెడీ చేసుకుని ర‌మ్మ‌ని ఎన్టీఆర్ నుంచి పిలువు వ‌చ్చింద‌ట‌. మ‌రి...అనిల్ ర‌విపూడి ఎన్టీఆర్ ను మ‌రో క‌థ‌తో మెప్పిస్తే...త్వ‌ర‌లోనే షూటింగ్ ప్రారంభించేలా ప్లాన్ చేస్తున్నార‌ట‌. అంతా ఓకే అయితే ఎన్టీఆర్ - అనిల్ ర‌విపూడి కాంబినేష‌న్లో మూవీని దిల్ రాజు నిర్మించేందుకు రెడీగా ఉన్నార‌ట‌. మ‌రి...ఈ ప్రాజెక్ట్ పై క్లారిటి రావాలంటే కొన్ని రోజులు ఆగాల్సిందే..!