మంచి మ‌న‌సు చాటుకున్న తారక్
- IndiaGlitz, [Saturday,May 09 2020]
కోవిడ్ 19 కారణంగా పేద ప్ర‌జ‌లు, మ‌ధ్య త‌ర‌గ‌తివారు చాలా క‌ష్టాల ప‌డుతున్నారు. సెల‌బ్రిటీలు చాలా మంది వారికి త‌మ వంతు సాయాన్ని అందిస్తున్నారు. ఈ నేప‌థ్యంలో తారక్ త‌న ఆఫీసులో ప‌నిచేస్తోన్న సిబ్బందికి ముందుగానే జీతాల‌ను చెల్లించార‌ట. ఇలాంటి క్రిటిక‌ల్ సిట్యువేష‌న్‌లో ముందుగానే సిబ్బందికి జీతాల‌ను తారక్ అందించార‌ని విశ్వ‌స‌నీయ వ‌ర్గాల స‌మాచారం. అంతే కాకుండా ఏదైనా ఆర్థిక సాయం కావాల‌న్నా అడ‌గ‌మ‌ని త‌న సిబ్బందికి చెప్పార‌ని టాక్‌. ఇప్ప‌టికే క‌రోనా నివార‌ణ‌పై పోరుకు 75 ల‌క్ష‌ల రూపాయ‌ల విరాళాన్ని ప్ర‌భుత్వాల‌కు అందించిన తారక్ ఇందులో పాతిక ల‌క్ష‌ల రూపాయ‌ల‌ను సినీ కార్మికుల కోసం కేటాయించిన సంగతి తెలిసిందే.
ప్ర‌స్తుతం తారక్ రాజ‌మౌళి ద‌ర్శ‌క‌త్వంలో చ‌ర‌ణ్‌తో క‌లిసి ‘రౌద్రం ర‌ణం రుధిరం (ఆర్ఆర్ఆర్)’సినిమాలో నటిస్తోన్న సంగతి తెలిసిందే. ఈ సినిమా షూటింగ్ క‌రోనా ప్ర‌భావంతో ఆగింది. క‌రోనా ఎఫెక్ట్ త‌గ్గిన త‌ర్వాత ఆర్ఆర్ఆర్ షూటింగ్‌ను పూర్తి చేస్తారు. దీని త‌ర్వాత త్రివిక్ర‌మ్ శ్రీనివాస్ ద‌ర్శ‌క‌త్వంలో ఎన్టీఆర్ పాన్ ఇండియా చిత్రంలో న‌టించ‌బోతున్న సంగతి తెలిసిందే. ఈ రెండు చిత్రాలు వ‌చ్చే ఏడాదిలో విడుద‌ల‌వుతాయి.