'జై సింహా' ప్రీమియర్ షోకి ఎన్టీఆర్?
- IndiaGlitz, [Wednesday,January 03 2018]
నందమూరి బాలకృష్ణ, నయనతార జంట‌గా ప్ర‌ముఖ త‌మిళ ద‌ర్శ‌కుడు కె.ఎస్.రవికుమార్ ద‌ర్శ‌క‌త్వంలో తెర‌కెక్కిన చిత్రం జై సింహా'. కన్నడ నటి హరిప్రియ, మలయాళీ బ్యూటీ నటాషా దోషితో పాటు ప్రకాష్ రాజ్, అశుతోష్ రానా, బ్రహ్మానందం, మురళీమోహన్, జయప్రకాష్ రెడ్డి ముఖ్య పాత్రలు పోషించారు.
ఈ చిత్రానికి సి.కళ్యాణ్ నిర్మాత. గౌత‌మిపుత్ర శాత‌క‌ర్ణి ఫేమ్ చిరంత‌న్‌ భట్ సంగీతమందించారు. కాగా, ఇప్పటికే విడుదలైన పాటలు, థియేట్రికల్ ట్రైలర్స్ ఈ మూవీపై మంచి హైప్‌ని క్రియేట్ చేస్తున్నాయి. ఇదిలా ఉంటే...సంక్రాంతి కానుకగా జనవరి 12న ఈ చిత్రం ప్రేక్షకుల ముందుకు రానున్న సంగతి తెలిసిందే. ఈ నేప‌థ్యంలో మూవీ ప్రీమియర్ షోని జనవరి 11న ప్రదర్శించనున్నారు. ప్రీమియర్ షోకి సంబంధించి ఇప్పటికే నారా కుటుంబాన్ని ఆహ్వానించినట్లు సమాచారం. అలాగే యంగ్ టైగ‌ర్ ఎన్టీఆర్‌కి కూడా ఆహ్వాన పత్రిక పంపినట్లు టాలీవుడ్‌లో వార్త‌లు వినిపిస్తున్నాయి.