యంగ్ టైగ‌ర్ ఎన్టీఆర్ అభిమానులు కాస్తా ఆందోళ‌న‌లో ఉన్నార‌ట‌. అందుకు కార‌ణం ఎన్టీఆర్ న‌టిస్తున్న చిత్రం `జై ల‌వ‌కుశ‌` ఎంత మాత్రం కాదు. అస‌లు విష‌య‌మేమంటే ఎన్టీఆర్ చేయ‌బోయే టీవీ షో బిగ్‌బాస్ కార‌ణం అని తెలుస్తుంది. అసలు షోనే స్టార్ట్ కాలేదు. మ‌రి అభిమానులకంతా టెన్ష‌న్ ఎందుకు? అనిపించ‌వ‌చ్చు. కానీ ఇదే షోను త‌మిళ వెర్ష‌న్‌లో క‌మ‌ల్‌హాస‌న్ వ్యాఖ్యాత‌గా చేస్తున్నాడు.

ఈ షోను ఇటీవ‌ల ప్ర‌సారం చేసిన‌ప్పుడు ఆడియెన్స్ నుండి స్పంద‌న పెద్ద‌గా రాలేదు. దీంతో ఎన్టీఆర్ షోను ఎలా ఆద‌రిస్తారోన‌ని అనుకుంటున్నారు. అల్రెడి మెగాస్టార్ `మీలో ఎవ‌రు కోటీశ్వ‌రుడు` ప్రోగ్రాంకు పెద్ద స్పంద‌న రాలేదు. ఇది కూడా అభిమానులను కాస్తా ఆలోచ‌న‌లో ప‌డేస్తుంది.

ఎన్టీఆర్ ప్ర‌స్తుతం `జై ల‌వ‌కుశ‌` సినిమా చిత్రీక‌ర‌ణ‌లో బిజీగా ఉన్నాడు. సినిమాను సెప్టెంబ‌ర్ 21న విడుద‌ల చేయ‌డానికి నిర్మాత క‌ల్యాణ్ రామ్ స‌న్నాహాలు చేస్తున్నాడు. బాబి ద‌ర్శ‌క‌త్వం వ‌హిస్తున్న ఈ సినిమాలో నివేదిత థామ‌స్‌, రాశిఖ‌న్నా, నందిత‌రాజ్‌లు హీరోయిన్స్‌గా న‌టిస్తున్నారు.