య‌న్‌.టి.ఆర్ టీజ‌ర్ ఎప్పుడంటే...?
- IndiaGlitz, [Thursday,November 22 2018]
ప్ర‌స్తుతం ఉన్న సోష‌ల్ మీడియాను ఉప‌యోగించుకుంటూ రోజుకోరీతిలో వార్త‌ల్లో నిలుస్తున్న చిత్రం 'య‌న్‌.టి.ఆర్'. దివంగ‌త మాజీ ముఖ్య‌మంత్రి ఎన్టీఆర్ బ‌యోపిక్ ఇది. 'య‌న్‌.టి.ఆర్ క‌థానాయ‌కుడు', 'య‌న్‌.టి.ఆర్ మ‌హానాయ‌కుడు' అనే రెండు భాగాలుగా సినిమా రూపొందుతోంది.
అందులో తొలి పార్ట్ 'య‌న్‌.టి.ఆర్ క‌థానాయ‌కుడు' జ‌న‌వ‌రి 9న విడుద‌ల కానుంది. తాజా స‌మాచారం ప్ర‌కారం సినిమా టీజ‌ర్‌ను డిసెంబ‌ర్ 2న విడుద‌ల చేయాల‌ని యూనిట్ భావిస్తోంద‌ట. ఈ సినిమా ఆడియో డిసెంబ‌ర్ 16న తిరుప‌తిలో జ‌ర‌గ‌నుంది. జాగ‌ర్ల‌మూడి క్రిష్ ద‌ర్శ‌క‌త్వంలో నంద‌మూరి బాల‌కృష్ణ టైటిల్ పాత్ర‌లో న‌టిస్తూ నిర్మిస్తున్న చిత్ర‌మిది.