'యన్.టి.ఆర్' రెండో భాగాన్ని కూడా ప్ర‌క‌టించేశారు...
- IndiaGlitz, [Thursday,October 04 2018]
దివంగ‌త మాజీ సీఎం ఎన్టీఆర్ బ‌యోపిక్ 'యన్.టి.ఆర్'ని రెండు భాగాలుగా రానుంద‌ని చాలా రోజుల నుండి వార్త‌లు విన‌ప‌డుతున్న సంగతి తెలిసిందే. ఈ వార్త‌ల‌కు బ్రేక్ వేస్తూ చిత్ర యూనిట్...'యన్.టి.ఆర్'ని రెండు భాగాలుగా చేయ‌నున్న‌ట్లు విడుదల తేదీల‌తో స‌హా నేడు అధికారికంగా ప్ర‌క‌టించ‌డం గ‌మ‌నార్హం. యన్.టి.ఆర్ క‌థానాయ‌కుడు పార్ట్ 1గా విడుద‌ల‌వుతుంది.
ఇందులో ఎన్టీఆర్ సినిమాల్లోకి రావ‌డం.. అగ్ర క‌థానాయ‌కుడిగా ఎద‌గ‌డం వంటివి ఉంటాయి. అందుక‌నే పార్ట్ వ‌న్‌కి 'యన్.టి.ఆర్ క‌థానాయ‌కుడు' అనే టైటిల్‌ను ఫిక్స్ చేశారు. ఇక సినిమాల నుండి రాజ‌కీయాల్లోకి వెళ్లి ప్ర‌భంజ‌నం క్రియేట్ చేసిన దాన్ని రెండో భాగంగా విడుదల చేయ‌బోతున్నారు. దీనికి 'యన్.టి.ఆర్ మ‌హానాయ‌కుడు' అనే టైటిల్‌ను ఖ‌రారు చేశారు .
పార్ట్ 1న జ‌న‌వ‌రి 9న విడుద‌లైతే.. పార్ట్ 2 జ‌న‌వ‌రి 24న విడుదల కానుంది. జాగ‌ర్ల‌మూడి క్రిష్ ద‌ర్శ‌క‌త్వంలో బాల‌కృష్ణ ఎన్టీఆర్ పాత్ర‌ధారిగా న‌టిస్తూ నిర్మిస్తున్న చిత్ర‌మిది.