య‌న్‌.టి.ఆర్ బ‌యోపిక్ కొత్త డైరెక్ట‌ర్ ఎవ‌రంటే..
- IndiaGlitz, [Saturday,April 28 2018]
మ‌హాన‌టుడు, దివంగ‌త నేత నందమూరి తార‌క రామారావు జీవితం ఆధారంగా య‌న్‌.టి.ఆర్ పేరుతో ఓ బ‌యోపిక్ తెరకెక్కుతున్న సంగ‌తి తెలిసిందే. ఎన్టీఆర్ త‌న‌యుడు నందమూరి బాల‌కృష్ణ టైటిల్ రోల్‌లో క‌నిపించ‌నున్న ఈ సినిమా ఇటీవ‌లే లాంఛ‌నంగా ప్రారంభ‌మ‌య్యింది కూడా.
ఇదిలా ఉంటే.. ఈ సినిమా నుంచి ద‌ర్శ‌కుడు తేజ బ‌య‌టికి రావ‌డంతో.. ఈ బ‌యోపిక్‌కు ఎవ‌రు ద‌ర్శ‌క‌త్వం వ‌హిస్తారు? అనేదానిపై ఆస‌క్తిక‌రమైన చ‌ర్చ జ‌రుగుతోంది. తాజా స‌మాచారం ప్ర‌కారం.. ఈ సినిమాకి క్రియేటివ్ డైరెక్ట‌ర్ కృష్ణ‌వంశీ ద‌ర్శ‌క‌త్వం వ‌హించే అవ‌కాశాలు ఉన్నాయ‌ని తెలుస్తోంది. వాస్త‌వానికి బాల‌య్య‌తో రైతు సినిమా తీయాల‌ని గ‌తంలో కృష్ణ‌వంశీ.. స‌ద‌రు నందమూరి క‌థానాయ‌కుడిని సంప్ర‌దించారు.
చ‌ర్చ‌లు స‌ఫ‌ల‌మైనా.. కొన్ని కార‌ణాల వ‌ల్ల ఆ సినిమా సెట్స్ పైకి వెళ్ళ‌లేదు. ఈ నేప‌థ్యంలో.. య‌న్‌.టి.ఆర్ చిత్రానికి కృష్ణ‌వంశీ పేరు మ‌ళ్ళీ వెలుగులోకి రావ‌డం విశేషం. కృష్ణ‌వంశీ ఎంట్రీపై త్వ‌ర‌లోనే క్లారిటీ వ‌స్తుంది. అన్న‌ట్టు.. బాల‌కృష్ణ స్వ‌యంగా ఈ సినిమాని డైరెక్ట్ చేసే దిశ‌గా ఆలోచిస్తున్నారని కూడా క‌థ‌నాలు వినిపిస్తున్నాయి.