రెండు భాగాలుగా ఎన్టీఆర్ బయోపిక్....
- IndiaGlitz, [Monday,October 01 2018]
స్వ‌ర్గీయ ఎన్టీఆర్ జీవిత క‌థ‌ను రెండు భాగాలుగా తెరెక్కిస్తున్న సంగతి తెలిసిందే. జాగ‌ర్ల‌మూడి క్రిష్ ద‌ర్శ‌క‌త్వంలో తెర‌కెక్కుతోన్న ఈ బయోపిక్ చిత్రీక‌ర‌ణ తుది దశ‌కు చేరుకుంటుంది. నిన్న‌టి వ‌ర‌కు కేవలం ఎన్టీఆర్ ముఖ్య‌మంత్రిగా ప్రమాణ స్వీకారం చేయ‌డం వ‌ర‌కే సినిమాగా ఉంటుంద‌ని వార్త‌లు వ‌చ్చాయి.
అయితే తాజా స‌మాచారం ప్ర‌కారం.. ఇప్పుడు అది రెండు భాగాలుగా తీయ‌డానికి క్రిష్, బాల‌కృష్ణ ప్లాన్ చేస్తున్నార‌ని స‌మాచారం. మ‌రి రెండు భాగాలుగా తీస్తే ఏ భాగం ఎప్పుడు రిలీజ్ చేస్తార‌నే దానిపై ఇంకా అవ‌గాహ‌న‌కు వ‌చ్చిన‌ట్లు లేరు. ఒక భాగం అయితే జ‌న‌వ‌రి 9న విడుదల కానుంది. మ‌రి రెండో భాగం ఉంటే అది ఎప్పుడు విడుద‌ల‌వుతుంద‌నే దానిపై త్వ‌ర‌లోనే క్లారిటీ రానుంది.
నంద‌మూరి బాల‌కృష్ణ టైటిల్ పాత్ర‌లో న‌టిస్తూ, నిర్మిస్తున్న ఈ చిత్రంలో విద్య‌బాల‌న్‌, రానా, సుమంత్‌, స‌చిన్ ఖేడేక‌ర్‌, జిస్నేన్ గుప్తా, మంజిమ మోహ‌న్ త‌దిత‌రులు న‌టిస్తున్నారు. విష్ణు ఇందూరి, సాయి కొర్ర‌పాటి స‌హ నిర్మాత‌లుగా వ్య‌వ‌హ‌రిస్తున్నారు.