టాలీవుడ్‌లో మోస్ట్ అవెయిటెడ్ మూవీస్‌లో ఎన్టీఆర్ బయోపిక్ ఒక‌టి. ఈ దివంగ‌త ముఖ్య‌మంత్రి జీవిత చ‌రిత్ర‌ను 'య‌న్‌.టి.ఆర్ క‌థానాయ‌కుడు', 'య‌న్‌.టి.ఆర్ మ‌హానాయ‌కుడు' అనే రెండు భాగాలుగా తెర‌కెక్కిస్తున్న సంగ‌తి తెలిసిందే.

నందమూరి బాల‌కృష్ణ న‌టిస్తూ నిర్మిస్తున్న ఈ చిత్రాన్ని జాగ‌ర్ల‌మూడి క్రిష్ తెర‌కెక్కిస్తున్నాడు. తాజా స‌మాచారం ప్రకారం ఎం.ఎం.కీర‌వాణి సంగీతం అందించిన ఈ సినిమా పాట‌ల‌ను డిసెంబ‌ర్ 16న తిరుప‌తిలో విడుద‌ల చేయ‌డానికి చిత్ర యూనిట్ స‌న్నాహాలు చేస్తుంది.

చిత్ర యూనిట్‌, సినీ, రాజ‌కీయ ప్ర‌ముఖులు ఈ ఆడియో వేడుక‌లో పాల్గొన‌బోతున్నారు. య‌న్‌.టి.ఆర్ క‌థానాయ‌కుడు జ‌న‌వ‌రి 9న.. య‌న్‌.టి.ఆర్ మ‌హానాయ‌కుడు జ‌న‌వ‌రి 24న విడుద‌ల‌వుతుంద‌ని చిత్ర యూనిట్ ప్ర‌క‌టించింది. అయితే రెండో భాగం పోస్ట్ పోన్ అయ్యే అవ‌కాశాలున్నాయ‌ని స‌మాచారం.