స్వాతంత్ర సమరయోధుడిపాత్రలో యంగ్ టైగర్
- IndiaGlitz, [Monday,May 29 2017]
టెంప‌ర్‌, నాన్న‌కుప్రేమ‌తో, జ‌న‌తాగ్యారేజ్ వ‌రుస విజయాలు త‌ర్వాత యంగ్‌టైగ‌ర్ జై ల‌వ‌కుశ చిత్రంతో త్రిపాత్రాభిన‌యం చేస్తున్నాడు. డిఫ‌రెంట్ స్క్రిప్ట్స్‌తో ముందుకెళుతోన్న యంగ్‌టైగ‌ర్ ఎన్టీఆర్ త్వ‌ర‌లోనే ఓ స్వాతంత్ర్య స‌మ‌ర‌యోదుడు పాత్ర‌లో క‌నిపించ‌నున్నారు. ఇంత‌కు ఆ స‌మ‌ర‌యోధుడెవ‌రో కాదు, ఆజాద్ హిందూ ఫౌజ్ స్థాపించి బ్రిటీష‌ర్స్‌కు వ్య‌తిరేకంగా పోరాడిన యోధుడు నేతాజీ సుభాష్ చంద్ర‌బోస్‌. గ‌తంలో సుభాష్ చంద్ర‌బోస్‌పై సినిమా వ‌చ్చినా, ఆ సినిమా స‌త్యానికి దూరంగా ఉంద‌ని విమ‌ర్శ‌లు ఎదుర్కొని ప్లాప‌య్యింది.
ఇప్పుడు బాలీవుడ్ మేక‌ర్స్ మ‌రోసారి నేతాజీ జీవితాన్ని తెర‌పైకి తెచ్చేందుకు ప్ర‌య‌త్నాలు చేస్తున్నారు. అందులో ఎన్టీఆర్‌ను న‌టింప చేయాల‌ని ప్ర‌య‌త్నాలు చేస్తున్నార‌ట. అన్నీ అనుకున్న‌ట్లుగా కుదిరితే ఎన్టీఆర్ స్వాతంత్ర్య సమరయోధుడిపాత్రలో క‌న‌ప‌డ‌తాడ‌న్న‌మాట.