'అర‌వింద స‌మేత..' డేట్ ఫిక్స్
- IndiaGlitz, [Friday,June 15 2018]
యంగ్ టైగ‌ర్ ఎన్టీఆర్, మాట‌ల మాంత్రికుడు త్రివిక్ర‌మ్ శ్రీ‌నివాస్ కాంబినేష‌న్‌లో రూపొందుతున్న తొలి చిత్రం అర‌వింద స‌మేత వీర రాఘ‌వ. పూజా హెగ్డే, ఈషా రెబ్బా క‌థానాయిక‌లుగా న‌టిస్తున్న ఈ చిత్రాన్ని హారికా అండ్ హాసిని క్రియేష‌న్స్ పతాకంపై ఎస్‌.రాధాకృష్ణ (చినబాబు) నిర్మిస్తున్నారు. త‌మ‌న్ సంగీత‌మందిస్తున్నారు.
ఇదిలా ఉంటే.. ఈ సినిమాని విజ‌య‌ద‌శ‌మి కానుక‌గా విడుదల చేయ‌బోతున్న‌ట్లు ఇప్ప‌టికే చిత్ర బృందం అధికారికంగా ప్ర‌క‌టించింది. తాజా స‌మాచారం ప్ర‌కారం.. ఈ సినిమా విడుదల తేదిని అక్టోబ‌ర్ 10గా ఫిక్స్ చేసిన‌ట్లు తెలుస్తోంది. అలాగే అక్టోబ‌ర్ 9న ఓవ‌ర్సీస్ ప్రీమియ‌ర్ షోస్ ప్లాన్ చేస్తున్నార‌ని తెలుస్తోంది. రాయ‌ల సీమ నేప‌థ్యంలో సాగే ఈ మూవీలో ఎన్టీఆర్ సిక్స్ ప్యాక్ లుక్స్‌లో క‌నిపించ‌నున్నారు. అలాగే రాయ‌ల‌సీమ యాస‌తో ప‌ల‌క‌రించ‌బోతున్నారు.