యంగ్ టైగ‌ర్ ఎన్టీఆర్ హీరోగా వ‌రుస సినిమాల‌కు గ్రీన్ సిగ్న‌ల్ వ‌స్తున్నాడు. ప్ర‌స్తుతం ద‌ర్శ‌క‌ధీరుడు ఎస్‌.ఎస్‌.రాజ‌మౌళి ద‌ర్శ‌క‌త్వంలో రూపొందుతోన్న ‘ఆర్ఆర్ఆర్‌(ర‌ణం రౌద్రం రుధిరం)’ సినిమాతో బిజీగా ఉన్నారు. ఈ సినిమా పూర్తి కాగానే, త్రివిక్ర‌మ్ ద‌ర్శ‌క‌త్వంలో సినిమా చేయ‌డానికి ఎన్టీఆర్ గ్రీన్ సిగ్న‌ల్ ఇచ్చేసిన సంగ‌తి తెలిసిందే. మ‌రి ఈ సినిమా త‌ర్వాత సినిమాను కూడా ఎన్టీఆర్ లైన్‌లో పెట్టేశాడ‌ట‌. ఈ విష‌యాన్నిస‌ద‌రు నిర్మాణ సంస్థ ఓ సంద‌ర్భంలో తెలియ‌జేసింది. ఇంత‌కీ ఎన్టీఆర్ త్రివిక్ర‌మ్‌తో చేసేది త‌న 30వ సినిమా అయితే, చేయ‌బోయే సినిమా 31వ సినిమా కానుంది. ఎన్టీఆర్ 31వ సినిమాను ప్యాన్ ఇండియా డైరెక్ట‌ర్ ప్ర‌శాంత్ నీల్ తెర‌కెక్కించ‌బోతున్నాడు.

ప్ర‌స్తుతం ప్ర‌శాంత్ నీల్ ద‌ర్శ‌క‌త్వంలో ప్ర‌భాస్ హీరోగా స‌లార్ సినిమాను చేస్తున్నాడు. ఇది పూర్త‌య్యేలోపు త్రివిక్ర‌మ్ ద‌ర్శ‌క‌త్వంలో తెర‌కెక్క‌బోతున్న సినిమాను పూర్తి చేసుకుంటాడు. ఇంత‌కీ ఎన్టీఆర్‌, ప్ర‌శాంత్ నీల్ కాంబినేష‌న్‌లో రూపొంద‌నున్న చిత్రాన్ని నిర్మించ‌బోయే నిర్మాణ సంస్థ ఎవ‌రో తెలుసా... మైత్రీ మూవీ మేక‌ర్స్‌. భారీ సినిమాలను నిర్మిస్తూ లైమ్ లైట్‌లో ఉన్న మైత్రీ మూవీ మేక‌ర్స్ ప్యాన్ ఇండియా రేంజ్‌లో ఈ సినిమాను నిర్మించ‌బోతున్నారట.