ద్విభాషా చిత్రంగా ఎన్టీఆర్ 30?
- IndiaGlitz, [Sunday,May 20 2018]
యంగ్ టైగర్ ఎన్టీఆర్, బాలీవుడ్ బ్యూటీ పూజా హెగ్డే జంటగా ఏస్ డైరెక్టర్ త్రివిక్రమ్ శ్రీనివాస్ దర్శకత్వంలో ఓ సినిమా తెరకెక్కుతున్న విషయం తెలిసిందే. రాయలసీమ నేపథ్యంలో తెరకెక్కుతున్న ఈ సినిమా ప్రస్తుతం శరవేగంగా చిత్రీకరణ జరుపుకుంటోంది. దీని తర్వాత దర్శకధీరుడు రాజమౌళి డైరెక్షన్‌లో తెరకెక్కుతున్న మల్టీస్టారర్ మూవీలో రామ్ చరణ్ తో పాటు క‌లిసి నటించబోతున్నారు తార‌క్‌. ఈ సినిమా అక్టోబర్ నుంచి సెట్స్ పైకి వెళ్లనుంది.
ఈ రెండు సినిమాలతో పాటు మరో సినిమాకి కూడా గ్రీన్ సిగ్నల్ ఇచ్చేసారు ఎన్టీఆర్. గ‌తంలో ఎన్టీఆర్ హీరోగా ‘స్టూడెంట్ నెం 1’, ‘కంత్రి’, ‘శక్తి’ లాంటి సినిమాలను నిర్మించిన వైజయంతి మూవీస్ సంస్థ ఈ మూవీని నిర్మించేందుకు ప్లాన్ చేస్తోంది. తమిళ డైరెక్టర్ అట్లీ ఈ సినిమాకి ద‌ర్శ‌క‌త్వం వ‌హించనున్నార‌ని క‌థనాలు వినిపిస్తున్నాయి. తాజా స‌మాచారం ప్రకారం.. తెలుగు, తమిళ్ భాష‌ల్లో ఈ సినిమా తెర‌కెక్క‌నుంద‌ని తెలుస్తోంది. అదే గ‌నుక కార్య‌రూపం దాల్చితే.. ఎన్టీఆర్ కెరీర్‌లో తొలి బైలింగ్వల్ మూవీ ఇదే అవుతుంది. ఎన్టీఆర్ 30గా తెర‌కెక్క‌నున్న ఈ సినిమాకి సంబంధించిన మ‌రిన్ని వివ‌రాలు త్వ‌ర‌లోనే వెల్ల‌డికానున్నాయి.