ఎన్టీఆర్.. మ‌రో టైటిల్
- IndiaGlitz, [Saturday,May 19 2018]
యంగ్ టైగర్ ఎన్టీఆర్, ఉత్త‌రాది భామ పూజా హెగ్డే జంటగా ఏస్ డైరెక్టర్ త్రివిక్రమ్ శ్రీనివాస్ ద‌ర్శ‌క‌త్వంలో ఓ సినిమా తెరకెక్కుతున్న విషయం తెలిసిందే. రాయలసీమ నేపథ్యంలో సాగే ఈ చిత్రాన్ని హారికా అండ్ హాసినీ క్రియేష‌న్స్ పతాకంపై ఎస్.రాధాకృష్ణ నిర్మిస్తున్నారు. యాక్షన్ అండ్ ఫ్యామిలీ ఎంటర్‌టైనర్‌గా రూపుదిద్దుకుంటున్న ఈ చిత్రంలో ఎన్టీఆర్ డిఫరెంట్ లుక్‌తో పాటు.. స్లిమ్‌గా కూడా కనిపించనున్నారు. సీనియర్ నటుడు జగపతి బాబు ప్రతినాయక పాత్రలో నటించనుండగా.. తమన్ స్వ‌రాల‌ను స‌మ‌కూరుస్తున్నారు.
ఇదిలా ఉంటే.. ఈ సినిమాకి ‘అసామాన్యుడు’ అనే టైటిల్‌ను అనుకుంటున్నట్టు ఆ మ‌ధ్య కథనాలు వినిపించాయి. త‌ర్వాత భీష్మ, రారా కుమారా వంటి టైటిల్స్ కూడా వినిపించాయి. అయితే ఇప్పుడు ఈ సినిమాకు 'అర‌వింద స‌మేత రాఘ‌వ' అనే టైటిల్ ప‌రిశీల‌న‌లో ఉన్న‌ట్లు స‌మాచారం. కాగా ఈ నెల 20న ఎన్టీఆర్ పుట్టినరోజు పురస్కరించుకుని బ‌ర్త్‌డే గిఫ్ట్‌గా శ‌నివారం సాయంత్రం ఈ సినిమా టైటిల్‌ను, ఫస్ట్ లుక్‌ను విడుదల చేయబోతున్నారు. కాగా.. ఈ సినిమాని దసరా పండుగ సందర్భంగా విడుదల చేయాలని దర్శకనిర్మాతలు ప్లాన్ చేస్తున్నారు.