ఎన్టీఆర్ నాన్నకు ప్రేమతో టైటిల్ మారిందా...?
- IndiaGlitz, [Monday,September 07 2015]
యంగ్ టైగ‌ర్ ఎన్టీఆర్ హీరోగా సుకుమార్ ఓ చిత్రాన్ని తెర‌కెక్కిస్తున్నారు. ఈ చిత్రాన్ని బి.వి.ఎస్.ఎన్. ప్ర‌సాద్ నిర్మిస్తున్నారు. ఈ సినిమాకి నాన్నకు ప్రేమతో...అనే టైటిల్ ప్రచారంలో ఉంది. అయితే ప్రచారంలో ఉన్న‌ట్టు ఎన్టీఆర్ సినిమాకి నాన్నకు ప్రేమతో టైటిల్ కాదేమో అనిపిస్తుంది. దీనికి కార‌ణం ఏమిటంటే....నిర్మాత బి.వి.ఎస్.ఎన్.ప్ర‌సాద్ త‌న శ్రీ వెంక‌టేశ్వ‌ర సినీ చిత్ర బ్యాన‌ర్ పై అభిరామ్ అనే టైటిల్ ను ఫిలిం ఛాంబ‌ర్ లో రిజిష్ట‌ర్ చేయించారు.ఈ టైటిల్ ఎన్టీఆర్ సినిమా కోస‌మే అనిపిస్తుంది.
ఎందుకంటే ....ఈ సినిమాలో ఎన్టీఆర్ పేరు అభిరామ్ అని స‌మాచారం. అదే క‌నుక నిజ‌మైతే నాన్నకు ప్రేమతో కాస్త..అభిరామ్ గా మారచ్చు. నాన్నకు ప్రేమతో...టైటిల్ సాఫ్ట్ గా ఉంది. మాస్ ఇమేజ్ ఉన్న ఎన్టీఆర్ కి సాప్ట్ టైటిల్ సెట్ కాద‌నుకున్నార‌నుకుంట. హీరో పేరుతోనే టైటిల్ రిజిష్ట‌ర్ చేయించారు. వినాయ‌క చ‌వితి సంద‌ర్భంగా ఈ నెల 17న టైటిల్ లోగోను, ద‌స‌రా కానుక‌గా అక్టోబ‌ర్ 22న టీజ‌ర్ ను రిలీజ్ చేయ‌డానికి ప్లాన్ చేస్తున్నార‌ట. సినిమాని సంక్రాంతి కానుక‌గా జ‌న‌వ‌రి 8న రిలీజ్ చేయ‌డానికి ప్లాన్ చేస్తున్నారు. మ‌రి...ఎన్టీఆర్ మూవీ టైటిల్ నాన్నకు ప్రేమతో... లేక అభిరామ్ అనేది తెలియాంటే ఈ నెల 17 వ‌ర‌కు ఆగాల్సిందే.