'நேர் கொண்ட பார்வை' படத்தின் முக்கிய பணி தொடங்கியது!
- IndiaGlitz, [Monday,June 17 2019]
அஜித் நடித்த 'நேர் கொண்ட பார்வை' திரைப்படம் ஆகஸ்ட் 10ஆம் தேதி ரிலீஸ் ஆகும் என கூறப்பட்டிருந்தாலும் தற்போது ஆகஸ்ட் 1ஆம் தேதி ரிலீஸ் ஆகும் என எதிர்பார்க்கப்படுகிறது. இந்த நிலையில் இந்த படத்தின் தொழில்நுட்ப பணிகள் முழுவீச்சில் நடைபெற்று வருகிறது. அஜித் உள்பட இந்த படத்தில் நடித்த அனைத்து நட்சத்திரங்களின் டப்பிங் பணிகள் முடிவடைந்துவிட்ட நிலையில் இன்று முதல் புதிய பணி தொடங்கப்பட்டுள்ளது
இந்த படத்தின் பின்னணி இசை குறித்த பணியை இன்று முதல் தொடங்கியுள்ளதாக இந்த படத்தின் இசையமைப்பாளர் யுவன்ஷங்கர் ராஜா சற்றுமுன் தனது சமூக வலைத்தளத்தில் தெரிவித்துள்ளார். அஜித் படங்களான 'பில்லா', பில்லா 2, ஆரம்பம், 'மங்காத்தா' போன்ற படங்களின் மிகப்பெரிய பிளஸ்களில் ஒன்று யுவனின் பின்னணி இசை. இதே போன்று இந்த படத்திற்கும் பட்டையை கிளப்பும் வகையில் யுவனின் பின்னணி இசை இருக்கும் என எதிர்பார்க்கப்படுகிறது
அஜித், வித்யாபாலன், ஷராதா ஸ்ரீநாத், அபிராமி வெங்கடச்சலம், ஆண்ட்ரியா தரங், பிரகாஷ்ராஜ், மஹேஷ் மஞ்சுரேக்கர், ஆதிக் ரவிச்சந்திரன், ரங்கராஜ் பாண்டே, டெல்லி கணேஷ் உள்பட பலர் நடித்துள்ள இந்த படத்தை எச்.வினோத் இயக்கியுளார். நீரவ்ஷா ஒளிப்பதிவில் கோகுல் சந்திரன் படத்தொகுப்பில் உருவாகியுள்ள இந்த படத்தை போனிகபூர் தயாரித்துள்ளார்.
#NKP happy to have started BGM score :)
— Raja yuvan (@thisisysr) June 17, 2019