தெலுங்கில் சூப்பர் ஹிட் வெற்றி பெற்ற அர்ஜூன் ரெட்டி படத்தின் நாயகன் விஜய் தேவரகொண்டாவின் முதல் தமிழ்ப்படத்தை 'இருமுகன்' இயக்குனர் ஆனந்த் ஷங்கர் இயக்கவுள்ளார் என்ற செய்தியை ஏற்கனவே பார்த்தோம்

இந்த நிலையில் இந்த படத்தின் டைட்டில் தற்போது அறிவிக்கப்பட்டுள்ளது. இந்த படத்தின் டைட்டில் 'நோட்டா'. இந்த படத்தின் தலைப்பில் இருந்தே இந்த படம் ஒரு அரசியல் சம்பந்தப்பட்ட படம் என்பதை யூகிக்க முடிகிறது.

ஸ்டுடியோக்ரீன் நிறுவனம் தயாரிக்கும் இந்த படம் ஒரே நேரத்தில் தமிழ், தெலுங்கு என இருமொழிகளில் தயாரிக்கப்படுகிறது. இந்த படத்தில் விஜய் தேவரகொண்டாவுக்கு ஜோடியாக மெஹ்ரீன் பிர்ஜிதா நடிக்கவுள்ளார். இவர் சுசீந்திரன் இயக்கிய 'நெஞ்சில் துணிவிருந்தால்' பட நாயகி என்பது குறிப்பிடத்தக்கது

'விக்ரம் வேதா' புகழ் சாம் சி.எஸ் இசையில் சாந்தாகிருஷ்ணன் ஒளிப்பதிவில், ரெய்மண்ட் டெர்ரிக் படத்தொகுப்பில் உருவாகும் இந்த படத்தின் படப்பிடிப்பு விரைவில் தொடங்கவுள்ளது.