'நோட்டா' திரைப்படத்தின் சென்சார் தகவல்கள்
- IndiaGlitz, [Friday,September 28 2018]
'அர்ஜூன்ரெட்டி' , 'கீதா கோவிந்தம்', நடிகையர் திலகம்' போன்ற படங்களில் நடித்த நடிகர் விஜய் தேவரகொண்டாவின் 'நோட்டா' திரைப்படம் வரும் அக்டோபர் 5ஆம் தேதி தமிழ், தெலுங்கு மொழிகளில் உலகம் முழுவதும் வெளியாகவுள்ளது.
இந்த நிலையில் இந்த படத்தை இன்று பார்த்த சென்சார் அதிகாரிகள், படத்திற்குக் 'யூ' சான்றிதழ் அளித்துள்ளனர். சென்சார் சான்றிதழ் கிடைத்துவிட்டதை அடுத்து இந்த படத்தின் ரிலீஸ் உறுதியாகியுள்ளது.
இந்த படத்திற்கு தான் 'யூ' சான்றிதழ் கிடைக்கும் என எதிர்பார்க்கவில்லை என்றும் குறிப்பாக தயாரிப்பாளர் ஞானவேல்ராஜா இதனாஇ சற்றும் எதிர்பார்க்கவில்லை என்றும் இந்த படத்தின் இயக்குனர் ஆனந்த் சங்கர் தனது சமூக வலைத்தளத்தில் கூறியுள்ளார்.
விஜய்தேவரகொண்டா, மெஹ்ரீன், யாஷிகா, நாசர், சத்யராஜ், எம்.எஸ்.பாஸ்கர் உள்ளிட்ட பலர் நடித்துள்ள 'நோட்டா' திரைப்படத்திற்கு சாம் சி.எஸ். இசையமைத்துள்ளார்.,