இந்திய கிரிக்கெட் அணியின் கேப்டன் விராட் கோஹ்லி தனக்கு பெண் குழந்தை பிறந்திருப்பதாக நேற்று தனது இன்ஸ்டாகிராம் பக்கத்தில் அறிவித்து இருந்தார் என்பதும் இதனையடுத்து அவருக்கு சக கிரிக்கெட் வீரர்கள் மற்றும் ரசிகர்கள் லட்சக்கணக்கானோர் வாழ்த்துக்களை தெரிவித்தனர் என்பதும் தெரிந்ததே

இந்த நிலையில் விராட் கோலியின் சகோதரர் விகாஷ் கோஹ்லி தனது இன்ஸ்டாகிராம் பக்கத்தில் குழந்தையின் பாதம் ஒன்றின் புகைப்படத்தை பதிவு செய்து அனுஷ்கா மற்றும் விராத் கோஹ்லி ஆகிய இருவருக்கும் எனது வாழ்த்துக்கள் என்று தெரிவித்து இருந்தார்

இதனை அடுத்து விராட் கோலியின் குழந்தை புகைப்படம் தான் இது என்று சமூக வலைதளங்களில் வைரலாக பரவியது. மேலும் பல இணையதளங்கள் இது விராட் கோலியின் குழந்தைதான் என்று செய்திகள் வெளியிட்டன

இந்த நிலையில் தற்போது விகாஷ் கோஹ்லி இது குறித்த ஒரு விளக்கத்தை அளித்துள்ளார். நேற்று நான் எனது இன்ஸ்டாகிராம் பக்கத்தில் அனுஷ்கா மற்றும் விராட் கோலியை வாழ்த்துவதற்காக ரேண்டமாக ஒரு புகைப்படத்தை பதிவு செய்து வாழ்த்தினேன். அது விராத் கோஹ்லி குழந்தையின் புகைப்படம் அல்ல. தவறாக புரிந்து கொண்டு பலர் அதனை வைரலாக்கி வருகின்றனர் என்று கூறியுள்ளார். இதனை அடுத்து இன்னும் விராத் கோஹ்லி குழந்தையின் புகைப்படம் வெளிவரவில்லை என்பது உறுதியாகி உள்ளது
 

View this post on Instagram

A post shared by Vikas Kohli (@vk0681)