விஜய் டிவியில் ஒளிபரப்பாகி வரும் பிக்பாஸ் நிகழ்ச்சி 6 சீசன்கள் முடிவடைந்துள்ள நிலையில் 7வது சீசன் வரும் அக்டோபர் முதல் வாரத்தில் ஒளிபரப்பாகும் என்று எதிர்பார்க்கப்படுகிறது. இந்த சீசனின் இரண்டு புரமோ வீடியோ வெளியாகி இரண்டுமே சூப்பர் ஹிட் ஆகியுள்ளது என்பதும் அதுமட்டுமின்றி இந்த சீசனில் இரண்டு வீடுகள் என்பது உறுதி செய்யப்பட்டுள்ளது என்பதையும் பார்த்தோம்.

இந்த நிலையில் தான் தற்போது வந்துள்ள தகவல் படி இந்த சீசனில் இரண்டு வீடுகள் மட்டும் இன்றி இரண்டு பிக்பாஸ் குரல்கள் ஒலிக்கப் போவதாகவும் கூறப்படுகிறது.

கடந்த ஆறு சீசன்களில் பிக்பாஸ் ஆண் குரலாக இருந்த நிலையில் தற்போது ஒரு ஆண் பிக்பாஸ் குரல் மற்றும் ஒரு பெண் பிக்பாஸ் குரல் இருக்கும் என்றும் இரண்டு வீடுகளில் உள்ள போட்டியாளர்களிடம் இந்த இரண்டு பிக்பாஸ் குரல்கள் தனித்தனியாக ஒலிக்கும் என்று கூறப்படுகிறது. இன்னும் என்னென்ன மாற்றங்கள் இந்த சீசனில் இருக்கும் என்பதை பொறுத்திருந்து பார்ப்போம்.

இந்த நிலையில் பிக்பாஸ் நிகழ்ச்சியில் கலந்து கொள்ள இருக்கும் போட்டியாளர்கள் என விஜய் டிவி ஜாக்குலின், இரவின் நிழல் நடிகை ரேகா நாயர், பத்திரிகையாளர் மற்றும் நடிகர் பயில்வான் ரங்கநாதன், கடந்த சீசனில் கலந்து கொண்ட ரக்ஷிதாவின் கணவர் தினேஷ், நடிகர் பிருத்விராஜ், கோவை டிரைவர் ஷர்மிளா, செய்தி வாசிப்பாளர் ரஞ்சித் உட்பட ஒரு சிலர் ஒப்பந்தம் செய்யப்பட்டு இருப்பதாக கூறப்படுகிறது. மேலும் மாகாபா, ஓவியாவும் பிக்பாஸ் போட்டியாளர்களாக பங்கேற்க வாய்ப்பு இருப்பதாக தெரிகிறது.