தமன்னா- ராஷிகண்ணா மட்டுமல்ல.. 2 சீனியர் நடிகைகளின் செம்ம ஆட்டம் .. 'அரண்மனை 4' கலக்கல் தகவல்..!
- IndiaGlitz, [Saturday,March 30 2024]
சுந்தர் சி இயக்கத்தில் உருவாகியுள்ள ’அரண்மனை 4’ திரைப்படம் வரும் ஏப்ரல் மாதம் ரிலீஸ் ஆக இருக்கும் நிலையில் இந்த படத்தின் புரமோஷன் பணிகளும் தொடங்க இருப்பதாக தகவல் வெளியாகியுள்ளன.
சமீபத்தில் வெளியான இந்த படத்தின் கலர்ஃபுல் ஸ்டில்களில் தமன்னா மற்றும் ராஷி கண்ணா செம கிளாமரில் இருக்கும் காட்சி இருப்பதை பார்த்து ரசிகர்கள் இந்த படத்தை மிகப்பெரிய அளவில் எதிர்பார்த்து காத்திருக்கின்றனர்.
இந்நிலையில் தற்போது வந்துள்ள தகவலின்படி தமன்னா, ராஷி கண்ணா மட்டும் இன்றி இரண்டு சீனியர் நடிகைகளான குஷ்பு மற்றும் சிம்ரனும் ஒரு பாடலுக்கு செம டான்ஸ் ஆடி உள்ளதாக தகவல் வெளியாகி உள்ளது. குஷ்பு, சிம்ரன் பாடல் , படம் முடியும்போது டைட்டில் காண்பிக்கும் போது இடம்பெற்றுள்ளதாகவும் இந்த பாடலை புரமோஷன் பாடலாகவும் பயன்படுத்த படக்குழுவினர் திட்டமிட்டுள்ளதாகவும் கூறப்படுகிறது.
ஹிப் ஹாப் தமிழா ஆதி இசையில் உருவாகியுள்ள இந்த படத்தின் பாடல்கள் மிகப்பெரிய அளவில் ஹிட் ஆகும் என்று எதிர்பார்க்கப்படுகிறது.
சுந்தர் சி, தமன்னா, ராஷி கண்ணா, சந்தோஷ் பிரதாப், கோவை சரளா, யோகி பாபு, கேஎஸ் ரவிகுமார், விடிவி கணேஷ், டெல்லி கணேஷ், சிங்கம்புலி, மொட்டை ராஜேந்திரன் உள்ளிட்ட பலர் நடிப்பில் இந்த படம் உருவாகியுள்ளது.