பாடல்கள் மட்டுமல்ல, இந்த ரெண்டும் கிடையாது: 'தளபதி 67' படத்தில் சம்பவம் செய்யும் லோகேஷ்!
- IndiaGlitz, [Thursday,August 18 2022]
தளபதி விஜய் நடிப்பில், வம்சி இயக்கத்தில் உருவாகி வரும் ’வாரிசு’ படத்தின் செய்திகளை விட தளபதி விஜய் நடிப்பில் லோகேஷ் கனகராஜ் இயக்க இருக்கும் ’தளபதி 67’ படத்தின் செய்திகள் ஊடகங்களிலும் சமூக வலைதளங்களிலும் பெரும் பரபரப்பை ஏற்படுத்தி வருகிறது.
’தளபதி 67’ படம் குறித்த செய்திகள் ஒவ்வொரு நாளும் வெளியாகி வருகின்றன என்பதும், குறிப்பாக இந்த படத்தில் ஆறு வில்லன்கள் இருப்பதாகவும், அவர்களில் கௌதம் மேனன், சஞ்சய் தத், பிரித்விராஜ் மற்றும் ஆக்சன்கிங் அர்ஜூன் ஆகியோர் நடிப்பதாக கூறப்பட்டது.
மேலும் இந்த படத்தில் த்ரிஷா மற்றும் சமந்தா நடிக்க உள்ளதாகவும் தகவல்கள் வெளியாகின. அதுமட்டுமின்றி இந்த படத்தில் பாடல்களே இல்லை என்றும் அதிரடி ஆக்ஷன் காட்சிகள் தான் படம் முழுவதும் இருக்கும் என்றும் கூறப்பட்டது.
இந்த நிலையில் தற்போது வந்த தகவலின்படி ’தளபதி 67’ படத்தில் சமந்தா மற்றும் த்ரிஷா ஆகிய இரண்டு ஹீரோயின்கள் இருந்தாலும் விஜய்க்கு ஜோடி யாரும் கிடையாது என்றும் கூறப்பட்டு வருகிறது. இதுவரை விஜய் நடித்த படங்களில் ஜோடி இல்லாமல் இருந்ததில்லை என்பது குறிப்பிடத்தக்கது.
அதுமட்டுமின்றி விஜய்யின் அனைத்து படங்களில் இருக்கும் பஞ்ச் வசனங்களும் இந்த படத்தில் கிடையாது என்று கூறப்படுகிறது. மொத்தத்தில் இந்த படத்தின் செய்திகள் வெளி வருவதை பார்க்கும் போது இது முழுக்க முழுக்க லோகேஷ் கனகராஜ் படமாக இருக்கும் என்றும் இந்த படத்தின் மூலம் லோகேஷ் கனகராஜ் சம்பவம் செய்ய காத்திருப்பதாகவும் கூறப்பட்டு வருகிறது.