'నాన్న‌కు ప్రేమ‌తో'.. ఈ సినిమా యంగ్ టైగ‌ర్ ఎన్టీఆర్ కి ఎంతో స్పెష‌ల్‌. ఎందుకంటే.. హీరోగా త‌ను చేస్తున్న 25వ చిత్ర‌మిది. అందుకే ఈ సినిమాలోని త‌న లుక్ ద‌గ్గ‌ర్నుంచి ప్ర‌తి విష‌యంలోనూ తార‌క్ ప్ర‌త్యేక శ్ర‌ద్ధ తీసుకుంటున్నాడ‌న్న‌ది ఫిల్మ్ న‌గ‌ర్ వ‌ర్గాల ఇన్‌ఫ‌ర్‌మేష‌న్‌. ఈ సినిమా ఫ‌లితం తార‌క్ స్థాయిని మ‌రింత పెంచేలా ఉంటుంద‌ని ఇన్‌సైడ్ సోర్స్ సైతం చెప్పుకొస్తోంది.

ఎన్టీఆర్ న‌ట జీవితంలో మైలు రాయిగా నిలిచిపోయే ఇలాంటి చిత్రంలో క‌థానాయిక‌గా న‌టించే అవ‌కాశం రావ‌డం ప‌ట్ల ర‌కుల్ ఎంతో ఆనందంగా ఉంద‌ట‌. ఎన్టీఆర్ చేస్తున్న ఈ 25వ చిత్రం అత‌నికి ఎంత స్పెష‌లో.. త‌ను పోషిస్తున్న పాత్ర కూడా అంతే స్పెష‌ల్‌గా ఉంటుంద‌ని ర‌కుల్ న‌మ్మ‌కంగా చెబుతోంద‌ట‌. సినిమా రిలీజ‌య్యాక త‌న‌ని స్క్రీన్‌పై చూసి ఆడియ‌న్ థ్రిల్ ఫీల‌వ‌డం ఖాయ‌మ‌ని రకుల్ స‌న్నిహితుల వ‌ద్ద చెప్పుకొస్తోంద‌ట‌. సుకుమార్ ద‌ర్శ‌క‌త్వం వ‌హిస్తున్న ఈ సినిమా సంక్రాంతి కానుక‌గా విడుద‌ల కానుంది.