பிகில் படத்தை தயாரித்த தயாரிப்பு நிறுவனமான ஏஜிஎஸ் மற்றும் பிகில் படத்தில் நடித்த நடிகரான விஜய் ஆகியோர் வீடுகளில் மற்றும் அலுவலகங்களில் நேற்று மாலை முதல் வருமான வரித்துறையினர் தொடர்ந்து சோதனை நடத்தி வருகின்றனர்

இந்த நிலையில் பிகில் பட தயாரிப்பாளருக்கு பைனான்ஸ் கொடுத்த பைனான்சியர் இடமிருந்து ரூபாய் 77 கோடி கைப்பற்றப்பட்டதாக வருமானவரித் துறையினர் தெரிவித்துள்ளனர். மேலும் விஜய் வீட்டில் கடந்த 18 மணிநேரம் வருமான வரித்துறையினர் சோதனை நடத்தியும், ஒரு ரூபாய் கூட கணக்கில் வராத பணம் கைப்பற்றப் படவில்லை என்றும் இருப்பினும் அவர் வாங்கிய சொத்துக்கள் குறித்து மட்டும் அவரிடம் விளக்கம் கேட்கப்பட்டு வருவதாகவும் வருமான வரித்துறையினர் அறிக்கை வெளியிட்டுள்ளனர்

மேலும் பிகில் படத்தில் நடித்ததற்காக விஜய்க்கு ரூபாய் 30 கோடி சம்பளம் கிடைத்துள்ளதாகவும் வருமான வரித்துறையினர் குறிப்பிட்டுள்ளனர். விஜய்யிடம் அவரது மனைவி சங்கீதாவிடமும் வருமான வரித்துறை அதிகாரிகள் வாக்குமூலம் வாங்கும் பணியில் தீவிரமாக இருப்பதாகவும் தகவல்கள் வெளிவந்துள்ளது