ஐரோப்பிய நாடுகளின் பிளாக்பஸ்டர் ஆனது 'தெறி'
- IndiaGlitz, [Saturday,April 23 2016]
அட்லி இயக்கத்தில் இளையதளபதி விஜய் நடிப்பில் கலைப்புலி எஸ்.தாணு தயாரிப்பில் கடந்த தமிழ்ப்புத்தாண்டு தினத்தில் வெளியான 'தெறி' திரைப்படம் உலகம் முழுவதும் சூப்பர் ஹிட் ஆகி ஆறே நாட்களில் ரூ.100 கோடி வசூல் செய்து புதிய சாதனையை ஏற்படுத்தியது என்பதை பார்த்தோம்.
மேலும் இந்த படம் தமிழகத்தில் மட்டுமின்றி வெளிநாடுகளிலும் எதிர்பார்த்ததை விட அதிகமான வசூலை பெற்று வருகிறது. அமெரிக்காவில் 'தெறி' ஒரு மில்லியன் டாலர் வசூல் செய்து சாதனை செய்துள்ள நிலையில் ஐரோப்பிய நாடுகளிலும் இந்த படம் 'பிளாக்பஸ்டர்' என்று அதிகாரபூர்வமாக அறிவிக்கப்பட்டுள்ளது. குறிப்பாக பிரிட்டன், பிரான்ஸ், நார்வே, ஆகிய நாடுகளில் 'தெறி'யின் வசூல் தெறிக்க வைத்துள்ளது.
மேலும் ஆஸ்திரேலியா, நியூசிலாந்து, மலேசியா, சிங்கப்பூர் ஆகிய நாடுகளிலும் 'தெறி' படத்தின் வசூல் சிறப்பாக உள்ளதாக தகவல்கள் வெளிவந்துள்ளது. விஜய் மற்றும் அட்லி கூட்டணிக்கு இந்த படம் ஒரு மறக்க முடியாத படமாக அமைந்துள்ளது என்பது குறிப்பிடத்தக்கது.