பிக்பாஸ் நிகழ்ச்சியின் விதிப்படி ஒவ்வொரு வாரம் ஒரு போட்டியாளர் வெளியேற்றப்படுவது வழக்கம். கடந்த வாரம் முதல் வாரம் என்பதால் யாரும் வெளியேற்றப்படாத நிலையில் இந்த வாரம் வெளியேற்றுபவரை தேர்வு செய்ய இன்று நாமினேஷன் தொடங்கியது.

இன்றைய நாமினேஷனில் அபிராமி, சாக்சி ஆகிய இருவரை மீராமிதுனும், மதுமிதாவை அபிராமியும், மதுமிதா மற்றும் மீராமிதுனை சாக்சியும் நாமினேஷன் செய்தனர். மீராமிதுன் மேல் அபிராமி, சாக்சி ஆகிய இருவரும் கோபமாக இருந்தாலும் நேற்றைய தமிழ்ப்பொண்ணு பிரச்சனையில் சிக்கிய மதுமிதா இன்று அனைவர் பார்வையிலும் வில்லியாகிவிட்டார் என்பது குறிப்பிடத்தக்கது.

அதேபோல் கவின், சரவணன் ஆகிய இருவரையும் பாத்திமாபாபு நாமினேஷன் செய்தார். இதற்கான காரணம் இன்றுதான் தெரிய வரும். இவையெல்லாவற்றையும் விட வனிதாவின் நாமினேஷன் தேர்வுதான் அனைவரையும் ஆச்சரியப்படுத்தியது. அவர் சேரனை தேர்வு செய்தார். நேற்று கமல்ஹாசன் முன்னிலையில் சேரன் தன் அப்பா, சகோதரர் போல் இருப்பதாக பெருமையாக பேசிய வனிதா, இன்று அவரை நாமினேஷன் செய்தது கொஞ்சம் அதிர்ச்சியை ஏற்படுத்தியுள்ளது. மேலும் இன்றைய நாமினேஷனில் யாரிடமும் லாஸ்லியா சிக்கவில்லை என்பது குறிப்பிடத்தக்கது.

#பிக்பாஸ் சீசன் 3 இன் முதல் நாமினேசன் புராசஸ் ஆரம்பம்..!#BiggBossTamil - தினமும் இரவு 9:30 மணிக்கு உங்கள் விஜயில்.. #BiggBossTamil3 #VijayTelevision pic.twitter.com/G2rYc0PWKX

— Vijay Television (@vijaytelevision) July 1, 2019