நிஜ வாழ்க்கையில் நடிக்காமல் இருப்பது ஏன்? 2.0 பிரஸ்மீட்டில் ரஜினி
- IndiaGlitz, [Thursday,October 26 2017]
சூப்பர் ஸ்டார் ரஜினிகாந்த் நடித்த '2.0' படத்தின் இசை வெளியீட்டு விழா நாளை பிரமாண்டமாக துபாயில் நடைபெறவுள்ள நிலையில் சற்று முன்னர் சர்வதேச பத்திரிகையாளர்களை படக்குழுவினர் சந்தித்தனர்.
இந்த பத்திரிகையாளர் சந்திப்பில் ரஜினிகாந்த், அக்சயகுமார், எமிஜாக்சன், ஷங்கர், ஏ.ஆர்.ரஹ்மான் ஆகியோர் கலந்து கொண்டனர்.
இந்த சந்திப்பில் ரஜினிகாந்த் எளிமை குறித்து நிருபர் ஒருவர் கேட்ட கேள்விக்கு பதிலளித்த ரஜினி, 'நிஜவாழ்க்கையில் நடிக்க விரும்பவில்லை, ஏனென்றால் அதற்காக யாரும் காசு தருவதில்லை' என்று கூறினார்
அக்சயகுமாரின் கேரக்டர் வில்லன் மட்டுமின்றி அவருடைய கேரக்டருக்கு பல்வேறு முகங்கள் உள்ளது' என்று கூறிய இயக்குனர் ஷங்கர் இந்த படம் எந்திரனின் தொடர்ச்சியல்ல என்று விளக்கினார்.
சயின்ஸ் த்ரில்லரான இந்த படத்தில் ஒரு நல்ல சமூக கருத்து உள்ளது. என்னுடைய கேரக்டர் இதுவரை யாரும் ஏற்றிராத கேரக்டர் என்று நடிகை எமிஜாக்சன் கூறினார்.
இந்த படத்தில் மூன்று பாடல்கள் இருப்பதாகவும் அவை மூன்றும் நாளை வெளிவரும் என்றும் ஏ.ஆர்.ரஹ்மான் தெரிவித்தார்.,