మెగాస్టార్ ఖైదీ నంబ‌ర్ 150తో సినిమాల్లోకి రీ ఎంట్రీ ఇచ్చిన సంగ‌తి తెలిసిందే. ఆ సినిమా సాధించిన స‌క్సెస్‌తో చిరు ఇప్పుడు నూత‌నోత్స‌హాంతో స్వాతంత్ర్య స‌మ‌ర‌యోధుడు ఉయ్యాల‌వాడ న‌ర‌సింహారెడ్డిపై 151వ‌ సినిమా చేయ‌బోతున్నాడు. ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు వేగంగా జ‌రుగుతున్నాయి.

సినిమాపై జాతీయ‌స్థాయిలో హైప్ తీసుకురావ‌డానికి బాలీవుడ్ న‌టీన‌టుల‌ను కూడా సినిమాలోకి తీసుకోవాల‌నుకుంటున్నార‌ట‌. మెగాస్టార్ స‌ర‌స‌న ఐశ్వ‌ర్యారాయ్ న‌టిస్తుంద‌ని వార్త‌లు వినిపిస్తున్న నేప‌థ్యంలో మరో ఆస‌క్తిక‌ర‌మైన వార్త ఒక‌టి ఇండ‌స్ట్రీలో విన‌ప‌డుతుంది. అదే బాలీవుడ్ సూప‌ర్‌స్టార్ అమితాబ్ బ‌చ్చ‌న్ చిరు చిత్రంలో చేయ‌బోతున్నాడ‌ని. అయితే బిగ్ బిని సంప్ర‌దించారా లేక ఆయ‌నేమ‌న్నార‌నే దానిపై క్లారిటీ లేదు. అయితే బాల‌కృష్ణ `రైతు` కోసం బాల‌య్య‌, కృష్ణ‌వంశీ క‌లిస్తే నో చెప్పిన అమితాబ్‌, చిరుకు ఎస్ చెబుతాడా అనేది చూడాలి.