పాపం.. ఛార్మి
- IndiaGlitz, [Friday,October 23 2015]
అదేంటో.. ఈ మ‌ధ్య ఛార్మి ఎలాంటి ప్ర‌య‌త్నం చేసినా అది బెడిసికొడుతోంది. మొన్న‌టికి మొన్న టాప్ డైరెక్ట‌ర్ పూరీ జ‌గ‌న్నాథ్ చేత ఫ‌స్ట్ టైమ్ హీరోయిన్ ఓరియెంటెడ్ మూవీ 'జ్యోతి ల‌క్ష్మీ' చేయించింది ఛార్మి. అది కాస్త వెండితెరపై వెల‌వెల‌బోయింది. అదే సినిమా కోసం నిర్మాణంలో భాగ‌స్వామ్యం వ‌హించిన ఛార్మికి చేదు అనుభ‌వం మిగిలింది. ఆ త‌రువాత త‌న హిట్ చిత్రం 'మంత్ర'కి సీక్వెల్‌గా చేసిన 'మంత్ర 2' కూడా ఎలాంటి ప్ర‌భావం చూప‌లేక‌పోయింది.
ఇక తాజాగా.. త‌మిళంలో తొలిసారిగా ఐటం సాంగ్ చేసిన '10 ఎండ్ర‌త్తుకుల్ల' కూడా పాజిటివ్ టాక్‌నైతే మూట‌గ‌ట్టుకోలేక‌పోయింది. అదే స‌మ‌యంలో అమ్మ‌డి ప్ర‌త్యేక గీతం కూడా ఎలాంటి కిక్ ఇవ్వ‌లేక‌పోయింది. ఈ వ్య‌వ‌హారం అంతా చూసి సినీ జ‌నాలు పాపం.. ఛార్మి అంటూ కామెంట్ చేస్తున్నారు. ఛార్మికి మంచి రోజులు మ‌ళ్లీ ఎప్పుడు వ‌స్తాయో?