ఈసారి కూడా అక్ష‌య్‌కు త‌ప్ప‌డం లేదు
- IndiaGlitz, [Tuesday,March 19 2019]
అక్ష‌య్‌కుమార్ సినిమా విడుద‌ల తేదీ స‌మ‌యంలో అడ్జ‌స్ట్ కావ‌డం త‌ప్ప‌డం లేదు. ఎందుకంటే ఈయ‌న హీరోగా న‌టించిన ప్యాడ్‌మేన్ సినిమా విడుద‌ల‌ను ముందుగా ఓ తేదికి అనుకున్నారు. అయితే చివ‌ర‌కు విడుద‌ల తేది మారింది. అక్షయ్ త‌న విడుద‌ల తేదిని మార్చుకుని ప‌ద్మావ‌త్ సినిమాను దారి ఇచ్చాడు.
ఇప్పుడు కూడా అక్షయ్ కుమార్, రోహిత్ శెట్టి కాంబినేష‌న్‌లో 'సూర్య‌వంశి' సినిమా చేస్తున్న సంగ‌తి తెలిసిందే. ఈ సినిమాను జూలైలో ఈద్ సంద‌ర్భంగా విడుద‌ల చేద్దామ‌ని అనుకున్నారు. అయితే.. ఇప్పుడు అదే స‌మ‌యానికి ఎస్‌.ఎస్‌.రాజ‌మౌళి 'ఆర్ ఆర్ ఆర్' విడుద‌ల‌వుతుంది.
దీంతో సూర్య‌వంశి నిర్మాత క‌ర‌ణ్ జోహార్ మ‌రోసారి అక్షయ్, రోహిత్ శెట్టిల‌ను క‌న్విన్స్ చేసి సినిమా విడుద‌ల తేది మార్పుకు అంగీక‌రింప చేశాడ‌ట. దీంతో 'ఆర్ ఆర్ ఆర్' విడుద‌ల‌కు బాలీవుడ్‌లో ఎలాంటి అడ్డంకి ఉండ‌టం లేద‌ట.