முன்னாள் முதல்வர் ஜெயலலிதா கடந்த 2016ஆம் ஆண்டு இதே டிசம்பர் 5ஆம் தேதிதான் காலமானார். அவருடைய இரண்டாவது நினைவு தினத்தை அதிமுக தொண்டர்களும் பொதுமக்களும் இன்று அனுசரித்து வருகின்றனர்.

இன்று முதலமைச்சர் எடப்பாடி பழனிசாமி தலைமையில் சென்னையில் ஜெயலலிதாவின் நினைவிடத்தை நோக்கி அமைதிப்பேரணி நடந்தது. அதேபோல் அமமுக துணை பொதுச்செயலாளர் தினகரன் தலைமையிலும் ஒரு அமைதிப்பேரணி நடந்தது

இந்த நிலையில் சற்றுமுன் நடிகர் சங்க செயலாளரும், தயாரிப்பாளர் சங்கத்தலைவருமான விஷால் ஜெயலலிதா நினைவிடத்தில் அஞ்சலி செலுத்தினார். அதன்பின் நடிகர் விஷால் செய்தியாளர்களுக்கு பேட்டியளித்தபோது, 'இரும்பு பெண்மணி ஜெயலலிதாவின் இடத்தை யாராலும் நிரப்ப முடியாது என்றும், நடிகர் சங்க கட்டடத்திற்கு ஜெயலலிதா பெயரை சூட்டுவது குறித்து, சங்க நிர்வாகிகளுடன் ஆலோசித்து முடிவெடுக்கப்படும் என்றும் தெரிவித்தார்.