హీరోయిన్ సమంత ఆనందానికి పట్టపగ్గాలు లేవు..ఇండస్ట్రీలోకి ఎంట్రీ ఇచ్చిన తక్కువ టైంలోనే స్టార్ హీరోల సరసన నటించి స్టార్ హీరోయిన్ స్టేటస్ సంపాదించుకున్న సమంతకు ఆనందంతో గంతులేస్తుందట. అందుకు కారణం ప్రత్యేకంగా చెప్పనక్కర్లేదు. రీసెంట్ రిలీజ్ అఆ పెద్ద సక్సెస్ సాధించడమే. ముఖ్యంగా ఓవర్ సీస్ లో సినిమా వన్ మిలియన్ డాలర్స్ ను క్రాస్ చేసింది. ఇలాగే సినిమా లాంగ్ రన్ అయితే టు మిలియన్ డాలర్స్ ను టచ్ చేయడం పక్కా అని ట్రేడ్ వర్గాలు అంటున్నాయి. అయితే ఇక్కడొక విషయాన్ని ప్రస్తావించాలి. ఈ ఏడాది సమంత విజయ్ తో థెరి, సూర్యతో 24, మహేష్ తో బ్రహ్మోత్సవం, నితిన్ తో అఆ చిత్రాల్లో నటించింది. ఈ నాలుగు చిత్రాలు ఓవర్ సీస్ లో మిలియన్ మార్క్ క్రాస్ చేశాయి. హీరోయిన్స్ విషయానికి వస్తే బాక్సాఫీస్ వద్ద ఓవర్ సీస్ లో ఇలాంటి రికార్డ్ క్రియేట్ చేయడం సమంతకే చెల్లడం గమనార్హం.