'2.0' ரசிகர் மன்ற காட்சி கிடையாது: ரஜினி மக்கள் மன்ற நிர்வாகி அறிவிப்பு
- IndiaGlitz, [Tuesday,November 27 2018]
சூப்பர் ஸ்டார் ரஜினிகாந்த் நடித்த '2.0 திரைப்படம் உலகம் முழுவதும் சுமார் 10 ஆயிரம் திரையரங்குகளில் வரும் 29ஆம் தேதி பிரமாண்டமாக வெளியாகவுள்ளது. குறிப்பாக தமிழகத்தில் கிட்டத்தட்ட அனைத்து பகுதிகளில் உள்ள திரையரங்குகளில் அதிகாலை காட்சி ரஜினி ரசிகர் மன்றத்தின் சிறப்பு காட்சியாக திரையிட திட்டமிடப்பட்டுள்ளது.
இந்த நிலையில் சமீபத்தில் டெல்டா மாவட்டங்களை கஜா புயல் தாக்கி கடும் சேதங்களை உண்டாக்கிய நிலையில் கஜா புயல் பாதித்த திருவாரூர் மாவட்டத்தில் மட்டும் நவம்பர் 29ஆம் தேதி 2.0 படத்தின் ரசிகர் மன்ற சிறப்புக்காட்சி திரையிடப்படாது என ரஜினி மக்கள் மன்றத்தின் திருவாரூர் மாவட்ட செயலாளர் தாயுமானவன் அறிவித்துள்ளார்.
இருப்பினும் மற்ற ரெகுலர் காட்சிகள் வழக்கம்போல் திரையிடப்படும் என்பது குறிப்பிடத்தக்கது.