ஃபேஸ்புக், டுவிட்டர் அக்கவுண்ட் குறித்து விக்ரம் விளக்கம்
- IndiaGlitz, [Tuesday,May 29 2018]
விக்ரம் பெயரிலும், அவருடைய ரசிகர்கள் பெயரிலும் பல சமூக வலைத்தள பக்கங்கள் இருந்து வரும் நிலையில் இதுகுறித்த விளக்கம் ஒன்றை அவர் அளித்துள்ளார். ஃபேஸ்புக், டுவிட்டர் போன்ற சமூக வலைத்தளங்களில் தனக்கு அதிகாரபூர்வமான அக்கவுண்ட் இல்லை என்றும் தன்னுடைய அதிகாரபூர்வ பக்கம் இன்ஸ்டாகிராமில் மட்டும் இருப்பதாகவும் விக்ரம் விளக்கம் அளித்துள்ளார்.
கடந்த சில நாட்களாகவே விக்ரம் பெயரில் இயங்கி வரும் ஃபேஸ்புக், டுவிட்டர் பக்கங்களில் சில தவறான செய்திகள் இடம்பெற்று வருவதை அடுத்து அவர் இந்த விளக்கத்தை தற்போது அளித்துள்ளார்.
விக்ரம் தற்போது ஹரி இயக்கத்தில் 'சாமி 2' மற்றும் கவுதம் மேனன் இயக்கத்தில் 'துருவ நட்சத்திரம்' ஆகிய படங்களில் நடித்து வருகிறார். இந்த இரண்டு படங்களும் இந்த ஆண்டு வெளியாகவுள்ளது என்பது குறிப்பிடத்தக்கது.