బిగ్ బాస్ హౌజ్ లో ఎప్పటిలాగే తన ఫన్ తో నవ్వులు పూయించారు బాబా మాష్టారు. చలో ఇండియా టాస్క్ లో బెస్ట్ పర్ఫార్మ ర్స్ గా రాహుల్, వరుణ్ లను ఎన్నుకోవడం పై సరదాగా పంచ్ లు వేశాడు బాబా. అలాగే... తాము టాస్క్ లో బెస్ట్ ఇచ్చామని చెప్పుకుంటున్న పునర్ణవి, రవి లపై ఫన్ పంచ్ లు వేశాడు. మీరు ఏం చేశారు ముద్దులు పెట్టుకోవడం తప్పా అంటూ సేటైర్లు వేశాడు.

తను కెప్టెన్ అయితే పునర్ణవితో పాటు అమ్మాయిలంతా పొట్టి బట్టలు వేసుకో రాదని... అలీ కూడా బనియన్లు వేసుకొని తిరగొద్దని కండీషన్ పెడతా అంటూ కామెడీ చేశాడు బాబా.

ఆ తర్వాత జరిగిన కెప్టెన్సీ టాస్క్ లో పోటీ పడ్డారు వరుణ్, రవి, బాబా మాష్టర్. మట్టిలో ఉక్కు మనిషి టాస్క్ పేరుతో నిర్వహించిన పోటీలో... ముగ్గురికి మూడు రంగుల బాల్స్ కేటాయించి వాటిని... మట్టిలో నుంచి వెతికి పట్టుకోవాలని సూచించాడు. ఎవరు ఎక్కువ బాల్స్ బాస్కెట్ లో వేస్తారో వారే ఈ వారం విజేత అని తెలిపారు. ఈ క్రమంలో ప్రత్యర్థిని అడ్డుకోవాలని సూచించారు. రసవత్తరంగా సాగిన ఈ పోటీలో వరుణ్ గెలిచి... రెండో సారి కెప్టెన్ గా నిలిచాడు.

ఆ తర్వాత ఇచ్చిన బడ్జెట్ టాస్క్ ఫన్నీ గా డిజైన్ చేశాడు బిగ్ బాస్. రంగుపడుద్ది అంటూ ఇచ్చిన టాస్క్ లో హౌజ్ కెప్టెన్ వరుణ్ ను ఓ వీల్ కు కట్టేసి... అతని చుట్టూ ఐటమ్స్ పెట్టారు. కలర్ బాల్స్ తో హౌజ్ మెట్స్ వరుణ్ కొట్టినప్పుడు ... ఆ బాల్ ఏ ఐటెంకు తగులుతుందొ ఆ ఐటెం బడ్జెట్ ఐటెం గా వస్తుందని చెప్పాడు.

ఇక ఈ వారం హౌజ్ నుంచి ఎవరు ఎలిమినేట్ అవుతారు అనేది పక్కన పెడితే.... అసలు ఈ వారం నాగార్జున బిగ్ బాస్ కు రారు అని తెలుస్తుంది. బర్త్ డే సెలబ్రేష న్స్ కోసం నాగ్ విదేశాలకు వెళ్లగా.. ఈ వారం రారు అనే టాక్ వస్తోంది. దీంతో ఈ వీక్ ఎలిమినేషన్ ఉండదు అని సమాచారం.